فەرمی؛ ئەستێرەیەكی لالیگا پەیوەندی بە خولی ئەمریكی كرد
یاریگا –
ئانتوان گریزمان ئەستێرەی یانەی ئاتلێتیكۆ مەدریدی ئیسپانی پەیوەندی بە ئۆرلاندۆ سیتی كرد.
هەژماری فەرمی ئۆرلاندۆ سیتی لە پلاتفۆرمی ئێكس گواستنەوەی ئانتوان گریزمانی بۆ ریزەكانی یانەكەی راگەیاند.
ANTOINE GRIEZMANN IS A LION 🦁👑
We have signed global soccer icon and 2018 @FIFAWorldCup winner @AntoGriezmann from @Atleti. He will join the club in July 2026 on a contract through the 2027–28 season, with an option for 2028–29 as a Designated Player 👏
— Orlando City SC (@OrlandoCitySC) March 24, 2026
گریزۆ تاوەکوو کۆتایی ئەم وەرزە لە ئاتلێتیکۆ مەدرید دەمێنێتەوە، پاشان لە مانگی تەمموز ماڵئاوایی لە یانە ئیسپانییەکە دەکات و پەیوەندی بە ئۆرلاندۆ سیتی دەکات.
گرێبەستی هێرشبەرە 35 ساڵانییەکە لەگەڵ یانە ئەمریکییەکە بۆ ماوەی دوو وەرز دەبێت.
لە دوای پەیوەندیكردنی بە ئۆرلاندۆ سیتی گریزمان گوتی:
زۆر بە پەرۆشم بۆ دەستپێکردنی ئەم وەرزە نوێیەی ژیانی وەرزشیم لەگەڵ ئۆرلاندۆ سیتی. هەر لە یەکەم گفتوگۆمەوە لەگەڵ یانەکە، هەستم بە دیدگایەکی روون بۆ داهاتووم کرد.
گریزمان یاریی بۆ ریال سۆسیداد، ئاتلێتیکۆ مەدرید و بارسێلۆنا کردووە، بە درێسی سەرجەم یانەکان بەشداریی 556 یاریی کردووە، 204 گۆڵی کردووە و 98 گۆڵی دروستکردووە.
بە درێسی هەڵبژاردە فەرەنسا بەشداریی 137 یاریی کردووە و 44 گۆڵی کردووە و 38 گۆڵی دروستکردووە.
نازناوێکی مۆندیال، یەک نەیشنزلیگ، یەک یۆرۆپالیگ، یەک سوپەری ئەوروپا و یەک نازناوی جامی سوپەری ئیسپانیای بەدەستهێناوە.
