دوو ریكۆردی نوێ؛ لیڤاندۆڤسكی ژمارەیەكی مێسی و ئینزاگی بە ناوی خۆی دەكات
هێرشبەرەكەی بارسێلۆنا مێژوو دەنووسێتەوە
یاریگا –
رۆبێرت لیڤاندۆڤسكی، هێرشبەری پۆڵەندی یانەی بارسێلۆنای ئیسپانی دوو ریكۆردی نوێی چامپیۆنزلیگی بە ناوی خۆیەوە نووسییەوە.
شەوی رابردوو بارسێلۆنا لە یاریگای سپۆتیفای كامپ نۆوی تایبەت بە خۆی میوانداری نیوكاسڵی كرد و یارییەكەشی بە ئەنجامی حەفت گۆڵ بەرامبەر دوو گۆڵ لێبردەوە و بە ئەنجامی هەردوو یاریی 8-3 نیوكاسڵی تێپەڕاند و خۆی گەیاندە قۆناخی چارەكی كۆتایی چامپیۆنزلیگ.
لیڤاندۆڤسكی رۆژووی گۆڵنەكردنی شكاند و لەو یارییەدا توانی دوو گۆڵ بكات.
2 – Robert Lewandowski (37y 209d) is the oldest player ever to score twice in a UEFA Champions League match, overtaking Filippo Inzaghi for Milan against Real Madrid in November 2010 (37y 86d). Eternal. pic.twitter.com/dtfqFs9Mty
— OptaJose (@OptaJose) March 18, 2026
لیڤاندۆڤسكی بوو بە بەتەمەنترین یاریزان بە 37 ساڵ و 209 رۆژ بتوانێت دوو گۆڵ لە یارییەكی چامپیۆنزلیگدا بكات و توانی ریكۆردەكەی ئینزاگی بشكێنێت كە لە 37 ساڵی و 86 رۆژیدا توانی لەگەڵ میلان دوو گۆڵ لە ریال مەدرید بكات.
هەروەها هێرشبەرە پۆڵەندیەكە بوو بە یەكەم یاریزان لە مێژووی چامپیۆنزلیگدا بتوانێت گۆڵ لە 41 یانەی جیاواز بكات و ژمارەكەی لیۆ مێسی شكاند كە لە 40 یانە گۆڵیكردبوو.
بێنفیكا ئەو یانەیەیە كە لیڤا زۆرترین گۆڵی لێكردوون 9 گۆڵ و دوای ئەو ریال مەدرید دێت بە شەش گۆڵ.
لیڤاندۆڤسكی بە 109 گۆڵ لە پلەی سێیەمی گۆڵكارانی چامپیۆنزلیگ دێت و تەنیا كریستیانۆ رۆناڵدۆ 140 گۆڵ و لیۆنێل مێسی 129 گۆڵ لە پێشیەوە دێن.
