پێویستە وەکوو مرۆڤ مامەڵەی لەگەڵ بکرێت؛ جۆو هارت رەخنەی توند لە ئیگۆر تودۆر دەگرێت
"بوفۆن، شمایکڵ و نۆیەریش تووشی هەمان هەڵە دەبن"
یاریگا –
جۆو هارت پاڵپشتی ئانتۆنین کینسکی، گۆڵپارێزی تۆتنهام دەکات و رەخنەی توند ئاڕاستەی ئیگۆر تودۆر، راهێنەری یانەکە دەکات.
شەوی رابردوو ئاتلێتیکۆ مەدرید لە یاریگای خۆی میوانداریی تۆتنهام هۆتسپێرزی کرد بە ئەنجامێکی گەورە 5-2 یارییەکەی لێ بردەوە.
تۆتنهام بە سەرەتایەکی زۆر خراپ دەستی بە یارییەکە کرد و هەر لە سەرەتاوە، کینکسی لە یەکەم یاریی خۆیدا لەگەڵ تۆتنهام لە چامپیۆنزلیگ، دیارییەکی گەورەی پێشکەشی رۆخی بلانکۆس کرد و بە دوو هەڵەی کوشندە دوو گۆڵی بە کوڕانی دیێگۆ سیمیۆنی بەخشی.
دواتر لە خولەکی 17، تودۆر گۆڕانکاری بە گۆڵپارێزە 22 ساڵانییەکە کرد و لە جێی ئەو گوگلیمۆ ڤیکارۆ هێنایە نێو یاریگا.
جۆو هارت، گۆڵپارێزی پێشووی مانچێستەر سیتی و ئینگڵتەڕا لە مامەڵەی تودۆر لەگەڵ گۆڵپارێزەکە نیگەرانە و بەم شێوەیە پشتیوانی یاریزانەکەی کرد؛
“They’re saying don’t worry, we’re here for you!” ❤️
Joe Hart and Steve McManaman react to the substitution of Antonín Kinský after a difficult start for Tottenham Hotspur 💬
📺 @tntsports & @discoveryplusUK pic.twitter.com/h1mT5Jwr3P
— Football on TNT Sports (@footballontnt) March 10, 2026
گەیشتن بەم ئاستە و گرێبەستکردن لەگەڵ سپێرس، یەک هەڵە ناتگۆڕێت. ئەو هێشتا 22 ساڵە و نەبووە بە پیاو، هیچی نەکردووە بیەوێت ئازاری تۆتنهام بدات. هەموو گۆڵپارێزێکی شەوی لەم جۆرە بەڕێدەکات، تەنانەت بوفۆن، شمایکڵ و نۆیەریش تووشی هەمان هەڵە دەبن. دەزانم بارودۆخێکی سەختە بەڵام پێویستە وەکوو مرۆڤ مامەڵەی لەگەڵ بکرێت.
