یاریگا –
یەکێتیی تۆپی پێی ئەوروپا سزای بەهۆی کردنی سڵاوی نازییەکان یوێفا سزای دارایی بەسەر تۆتنهام هۆتسپێر دەسەپێنێت.
لە یارییەکی گەڕی 8ـی قۆناخی خول لە چامپیۆنزلیگ تۆتنهام رووبەڕووی ئاینتراخت فرانکفورت بووەوە و یارییەکە 2-0 لە بەرژەوەندیی سپێرز کۆتایی هات، لە یارییەکە چەند هاندەرێکی یانە لەندەنییەکە رەفتاری رەگەزپەرستییان کردووە و بەو هۆیەوە یوێفا بە بڕی 30 هەزار یۆرۆ سزایی دارایی بەسەر یانەکەدا سەپاندووە.
Spurs have been fined €30k by Uefa and given a suspended one-match ban from selling tickets to away fans after three supporters made Nazi salutes at the game against Eintracht Frankfurt ⬇️https://t.co/nOvGnFviCg
— Times Sport (@TimesSport) March 2, 2026
یوێفا پشتراستیکردەوە سزاکە بەهۆی رەفتاری رەگەزپەرستی و جیاکارییەوە سەپێنراوە، دوای ئەوەی سێ هاندەری تۆتنهام بینراون سڵاوی نازییەکانیان بەرامبەر یانە ئەڵمانییەکە کردووە.
سزای راگرتن
جگە لە سزای دارایی، یوێفا بڕیاری هەڵپەساردنی فرۆشتنی بلیتەکانی تۆتنهامی داوە و رایگەیاندووە یانەکە بە درێژایی مانگی ئازار ناتوانێت بلیتی یارییەکانی دەرەوەی یاریگای خۆی لە چامپیۆنزلیگ بفرۆشێت.
کاردانەوەی تۆتنهام
تۆتنهام بە توندی سەرکۆنەی رووداوەکەی کرد و ئەو رەفتارەی هاندەرانی یانەکەی بە “قێزەون” ناوبرد، دووپاتیکردەوە ئەو جۆرە رەفتارانە رەنگدانەوەی بەهاکانی یانەکە نین و هاوکاریی تەواوی لێکۆڵینەوەکانی یەکێتیی تۆپی پێی ئەوروپا، دەسەڵاتدارانی ئەڵمانیای کردووە.
