یاریگا –
ناوەڕاستکارەکەی ریال مەدرید دوای ئەو هەڵەیەکی کرد و بووە هۆی گۆڵ داوای لێبووردن دەکات.
شەوی رابردوو ریال مەدرید لە گەڕی 25ـی لالیگا بووە میوانی ئۆساسونا، 2-1 شکستی هێنا و پێشەنگی بۆ بارسێلۆنای رکابەری چۆڵکرد.
دانی سیبایۆس لە تۆڕی کۆمەڵایەتی ئێکس دوای یارییەکەی ئۆساسونا داوای لێبووردنی کرد. ناوەڕاستکارەکە بۆ داننان بە هەڵەکەیدا تۆڕی کۆمەڵایەتی بەکارهێنا و پەیامێکی روونی نارد: “من بەرپرسیارییەتی هەڵدەگرم.” سیبایۆس لە دوایین ساتەکانی یارییەکە هەڵەیەکی کرد، کە بووە هۆی گۆڵ لەسەر تۆڕی تیمەکەی، دوای ئەوەی خولەکی 82 لە شوێنی ئاردا گولەر هاتە یاریگاوە.
پەیامەکەی سیبایۆس پێشوازی باشی لێکرا و زۆرێک لە هاندەران ستایشی تێگەیشتوویی یاریزانەکە دەکەن بۆ رووبەڕووبوونەوەی دۆخەکە و دان پێدانن بە هەڵەکەی لە ساتێکی گرنگدا.
Asumo mi responsabilidad. 🙏🏽 pic.twitter.com/rN17yuwpXG
— Daniel Ceballos (@DaniCeballos46) February 21, 2026
کاتێک ئەنجامەکە 1-1 بوو سیبایۆس سەرکێشی بە پاسێکەوە کرد بۆ راوول گارسیا و لە کاتی خۆیدا کاردانەوەی نەبوو بۆ چاک کردنەوەی دۆخەکە. دۆخەکە وای لە ئاسێنسیۆ کرد سەرکێشی بکات بۆ وەستاندنی مەترسییەکە، بەڵام هێرشبەرەکەی ئۆساسونا بەباشی بڕینی کرد و بە وردی کۆتایی بە هێرشەکە هێنا. دانی ئاگاداری کاریگەریی هەڵەکەی بوو لەسەر ئەنجامی یارییەکە، بۆیە ناوەڕاستکارەکە دوودڵ نەبوو لە رووبەڕووبوونەوەی دۆخەکە و داوای لێبووردنی کرد.
