یاریگا –
رافینیا، هێرشبەری بەڕازیلی گەڕایەوە مەشقەکانی بارسێلۆنا و بۆ یاریی داهاتوو ئامادەیە.
ڤیکتۆر ناڤارۆ، رۆژنامەنووسی ئیسپانی بڵاویکردووەتەوە، رافینیا گەڕاوەتەوە و بەشداریی مەشقە بە کۆمەڵەکانی ئەمڕۆی بارسێلۆنای کردووە.
بەگوێرەی زانیارییەکانی رۆژنامەنووسە ئیسپانیەکە، رافینیا ئێستا بۆ یاریکردن ئامادەیە و دەتوانێت بەشداریی یارییەکەی بەرامبەر جیڕۆنا بکات.
🥰El cariño de Flick con Raphinha
Se le espera mañana contra el Girona, salvo que Hansi diga lo contrario a las 13h en sala de prensa
3r entrenamiento del brasileño
Previa dominguera pic.twitter.com/m4JngjwpYj
— Víctor Navarro (@victor_nahe) February 15, 2026
هێرشبەرە بەڕازیلییەکە بەهۆی پێکان لە دوو یاریی رابردووی بارسێلۆنا بەرامبەر ئالباسێتی و ئاتلێتیکۆ مەدرید بەشداریی نەکردووە.
رافینیا کاریگەرترین یاریزانی تیپەکەی هانزی فلیکە، لەم وەرزە بارسێلۆنا تووشی شەش شکست بووە، پێنج شکستیان لەوکاتەدا بووە کە رافینیا یاریی نەکردووە. بەجۆرێک رێژەی سەرکەوتنەکانی بارسێلۆنا بەبێ رافینیا %60ـە و لەگەڵ رافینیا رێژەکە %91ـە.
بارسێلۆنا سبەی دووشەممە 16ـی شوباتی 2026 کاتژمێر 23:00 بەکاتی هەولێر لە یارییەکانی گەڕی 24ـی لالیگا لە یاریگای مۆنتیلیفی دەبێتە میوانی جیڕۆنا.
