ئامارێکی شۆکهێنەر؛ بارسێلۆنا خاوەنی خراپترین هێڵی بەرگرییە

یاریگا –

بارسێلۆنا لەم وەرزە بەدەست ناجێگیریی هێڵی بەرگرییەوە دەناڵێنێت و ئامارەکانی مەترسیدارن، بەتایبەت لە گێمی یەکەم.

رۆژنامەی مۆندۆ دیپۆرتیڤۆ بڵاویکردووەتەوە، بارسێلۆنا ئەم وەرزە 44 گۆڵی لێکراوە، 31 گۆڵیان لە گێمی یەکەم بووە، ئەو ژمارەیەش بەرزترینە لەسەر ئاستی ئەوروپا.

رۆژنامەکە ئەوەشی روونکردووەتەوە، بارسێلۆنا زۆرترین جار لەنێوان خولەکی 31 تاوەکوو 45 گۆڵەکانی لێکراوە، کە 14 گۆڵە، بە پێچەوانەوە لە گێمی دووەم تەنیا 13 گۆڵی لێکراوە و خاوەنی بەهێزترین هێڵی بەرگرییە لە گێمی دووەم.

Big Dato MD

🧐 El Barça ha encajado más goles en la primera parte que el colista de la Premier

✍ @HectorCocaMD https://t.co/Eh2GhiXmOE

— Mundo Deportivo (@mundodeportivo) February 15, 2026

هۆکاری ئەو رێژە زۆرەی گۆڵەکان لە گێمی یەکەم بۆ شێوازی یاریکردنی هانزی فلیک، راهێنەری یانەکە دەگەڕێتەوە، کە بە فشارێکی چڕ و بەرگرییەکی زۆر بەرز یاریی دەکات.

بەگوێرەی تۆڕی ئاتلێتیک، لەدوای دۆڕانی بارسێلۆنا بەرامبەر ئاتلێتیکۆ مەدرید بە ئەنجامی 4-0،  یاریزانانی بلوگرانا رەخنەیان لە شێوازی یاریکردنیان گرتووە، بەتایبەت لە یارییە گەورەکان و گوتوویانە نەدەبوو بەو شێوازە بەرگرییە بەرزە یاریی بکەن.

لە هەموو هەورێک باران نییە؛ ئەستێرەکانی بارسێلۆنا رەخنە لە تاکتیکی هانزی فلیک دەگرن