یاریگا –
سەرەڕای مسۆگەرکردنی بلیتی قۆناخی داهاتوو و گۆڕانکاری لە دەستەی راهێنەران، یانەی زاخۆ بە ورەیەکی بەرز و ئامانجێکی گەورەوە خۆی بۆ یارییەکەی سبەی بەرامبەر قادیسیەی کوێتی ئامادە کردووە.
لە کۆنگرەی رۆژنامەوانی پێش یارییەکەیان، میگێل کۆری یاریدەدەری راهێنەر و ئوسامە رەشید پەیامی دڵنیاییان دایە هاندەران كه دهتوانن له كوێت له قادسیهی كوێنی ببهنهوه دڵی هاندهران خۆش بكهن.
میگێل کۆری: ئێمە زیاترین لە یانەیەک
میگێل کۆری، کە دوای دەستلەکارکێشانەوەی وسام رزق ئەرکی سەرپەرشتی یانەکەی لەئەستۆیە، بە لێدوانێکی بەهێز دەستیپێکرد:
“ئێمە دەمانەوێت بەهێزترین یانە بین و یاریزانەکانمان هەست بە بەرپرسیارێتی دەکەن، ئێمە لێرە تەنیا نوێنەرایەتیی یانەیەک ناکەین، بەڵکو نوێنەرایەتیی کولتوور و نەتەوەیەک دەکەین.”
سەبارەت بە یارییەکە، کۆری گوتی،
“بە دڵنیاییەوە بۆ بردنەوە هاتووین و ئاستێکی شایستە پێشکەش دەکەین. دەزانین قادیسیە پێنج یارییە نەدۆڕاوە و رکابەرێکی بەهێزە، بەڵام ئێمە تەنیا بیر لە سێ خاڵ دەکەینەوە.”
ئوسامە ڕەشید: شایستەی پلەی هەشتەم نین
لای خۆیەوە، ئوسامە ڕەشید، ئەستێرەی هێڵی ناوەڕاستی زاخۆ، جەختی لەسەر ئامانجەکانیان کردەوە:
“راستە ئێستا لە پلەی هەشتەمی خولی ئەستێرەکانی عێراقین، بەڵام بەراستی شایستەی ئەو پلەیە نین و دەبوو زۆر لەپێشتر بووینایە. دڵنیام دەگەڕێینەوە لووتکە.”
سەبارەت بە یارییەکەی سبەی رایگهیاند،
“زۆر کارمان کردووە بۆ ئەم یارییە، دەزانین قادیسیە شەڕ بۆ گەیشتن بە قۆناخی پێشکۆتایی دەکات و ئەرکمان قورسە، بەڵام ئێمە دەزانین چۆن یاری دەکەین و متمانەی تەواومان بە خۆمان هەیە کە براو دەبین.”
دۆخی یانەکە
زاخۆ ئێستا بە کۆکردنەوەی 10خاڵ پێشەنگی کۆمەڵەکەی گرتووە و گەیشتنی بە قۆناخی داهاتووی جامی یانەکانی کەنداو مسۆگەر کردووە، بەڵام دەیەوێت بە بردنەوەیەک کۆتایی بە قۆناخی کۆمەڵەکان بهێنێت.
