یاریگا –
‘کاریگەریی ئێمباپێ’ نەک تەنیا لەنێو یاریگا بەڵکوو لەسەر دارایی ریال مەدریدیش هەست پێ دەکرێت، دایکی یاریزانەکە و بریکارەکەی ساڵانە پارەیەکی زۆر لە یانەکە وەردەگرن.
خودی کیلیان لە هەروەرزێکدا بڕی 31 ملیۆن یۆرۆ وەک مووچە لە یانەی شاهانە وەردەگرێت، بەڵام هەر ئەوەندە نییە، بەگوێرەی هەواڵێکی ماڵپەڕی A Bola، گرێبەستی ئەستێرە فەڕەنسییەکە زیاتر لەسەر ریال مەدرید دەکەوێت؛ یانەکە ساڵانە 4.5 ملیۆن یۆرۆ بە فایزە عەماری، دایکی و بریکارەکەی دەدات لەپای بەڕێکردنی کاروبارەکانی کیلیان، ئەو بڕە پارەیەش لە داهاتی شەش یاریزانی ئێستای یانەکە زیاترە.
🚨 𝗗𝗜𝗗 𝗬𝗢𝗨 𝗞𝗡𝗢𝗪: Real Madrid pay Fayza Lamari, Kylian Mbappé’s mother, €4.5m net per year from the player’s salary.
She earns more from Real Madrid than Andriy Lunin, Franco Mastantuono, Raul Asencio, Fran García, Gonzalo, Brahim, and Arda Güler.
— @abolapt pic.twitter.com/zBSigKzFtX
— The Touchline | 𝐓 (@TouchlineX) February 8, 2026
بەگوێرەی سەرچاوە پۆرتووگالییەکە، داهاتی ساڵانەی ئاردا گولەر، فڕان گارسیا، ئاندرێ لونین، فڕانکۆ ماستانتونۆ, گۆنزالۆ گارسیا و راوول ئاسێنسیۆ کەمترە لەوەی دایکی ئیمباپێ لە ریال مەدرید دەستیدەکەوێت.
دایکی ئێمباپێ لە گواستنەوەی کوڕەکەی بۆ ریال مەدرید زۆر یارمەتیدەر بوو، هەروەها لە سەرکەوتنی کیلیان لە شەڕێکی یاسایی بەسەر پاریس سان جێرمان رۆڵێکی گەورەی بینیوە کە کیلیان تاوەکوو ئێستا 55 ملیۆن یۆرۆی لە یانە فەڕەنسییەکە وەرگرتووە.
سەرچاوەکە ئەوەشی خستووەتەڕوو، پێدانی ئەم بڕە پارەیە بە نوێنەرانی ئێمباپێ کاریگەریی لەسەر بڕیار و هەڵوێستی یاریزانە گرنگەکانی یانەکە دەبێت، لەنێویاندا ڤینیسیۆس جونیۆر کە بەهۆی رێککنەکەوتنیان لەسەر مەرجە داراییەکان تاوەکوو ئێستا گرێبەستەکەی نوێنەکردووەتەوە.
