ئاتاڵانتا دەیەوێت لووکمان بداتە ئاتلێتیکۆ مەدرید

یاریگا –

ئاتاڵانتا بەهۆی پەیوەندییە باشەکەیەوە دەیەوێت لووکمان بداتە ئاتلێتیکۆ مەدرید.

رۆژنامەنووسی ئیتاڵی، نیکۆلۆ شێرا بڵاویکردووەتەوە کە ئاتاڵانتا فشار دەکات تاوەکوو ئادێمولا لووکمان بە ئاتلێتیکۆ مەدرید بفرۆشێت، ئەگەرچی یاریزانەکە دەیەوێت پەیوەندی بە فەنارباچێی تورکییەوە بکات.

#Atalanta are in a very good relationship with #AtleticoMadrid and they have already closed some deals (Ruggeri and Raspadori): so Atalanta pushing to sell #Lookman to Atleti, despite the forward’s plans are clear: Lookman wants to join #Fenerbahçe. Power Struggle is taking place https://t.co/UqkaXJPPY5

— Nicolò Schira (@NicoSchira) January 31, 2026

شێرا ئاماژەی بەوە کردووە کە ئاتاڵانتا پەیوەندییەکی زۆر باشی لەگەڵ ئاتلێتیکۆ مەدرید هەیە و پێشووتر چەند گرێبەستێکیان لەنێوان خۆیاندا ئەنجامداوە، لەوانە گرێبەستی (ماتیۆ روگێری و جیاکۆمۆ راسپادۆری).

لووکمان ئارەزوو دەکات پەیوەندی بە فەنارباچێ بکات و بەتەواوی لەگەڵ یانە تورکییەکە بۆ ماوەی 4 ساڵ رێککەوتووە، فەنارباچی ئامادەیە مووچەی ساڵانەی 9 ملیۆن یۆرۆ بە لووکمان بدات و 35 ملیۆن یۆرۆشی پێشکەشی یانە ئیتاڵییەکە کردووە، بەڵام تاوەکوو ئێستا لەلایەن یانەکەیەوە گڵۆپی سەوزی بۆ هەڵنەکراوە.