یاریگا –
ئیتیحاد دووەم ئۆفەری ئینتەری بۆ گواستنەوەی ئەستێرەیەکی رەتکردەوە.
رۆژنامەنووسی ناودار، فابریس هاوکینز بڵاویکردووەتەوە کە موسا دیابی لە ئیتیحاد دەمێنێتەوە. یانە سعوودییەکە بۆ دووەمجار ئۆفەری ئینتەری رەتکردووەتەوە کە بەشێوەی خواستن و مافی کڕینەوەی بوو.
ئینتەر دەیوست بەشێوەی خواستن و بژاردەی کڕینەوەی بە 28 ملیۆن یۆرۆ یاریزانە فەڕەنسییەکە بگوازێتەوە ریزەکانی، بەڵام ئەم ئۆفەرە بەس نەبوو بۆ قایلکردنی یانە سعوودییەکە.
🚨🇸🇦Excl Moussa Diaby reste à Al-Ittihad. Les Saoudiens voulaient 40M€ et ont refusé une offre de prêt avec option d’achat obligatoire de 28M€ de l’Inter. L’international français va donc poursuivre la saison à Al-Ittihad où il est sous contrat jusqu’en 2029 pic.twitter.com/WdNoeReeDM
— Fabrice Hawkins (@FabriceHawkins) January 31, 2026
هەمان سەرچاوە ئاماژەی بەوە کردووە کە ئیتیحاد بەرامبەر دەستبەرداربوون لە موسا دیابی داوای 40 ملیۆن یۆرۆی کردووە و بە کەمتر لەو نرخە دەستبەرداری نابێت.
دیابی ئەگەرچی بەتەواوی لەگەڵ ئینتەر گەیشتبووە رێککەوتن، بەڵام ئەم وەرزە لەگەڵ ئیتیحاد بەردەوام دەبێت و تاوەکو 2029 گرێبەستی لەگەڵ یانەکە هەیە.
موسا هاوینی 2024 لە ئاستۆن ڤێلاوە بەبڕی 60 ملیۆن یۆرۆ پەیوەندی بە ئیتیحاد کردووە و بەدرێسی یانە سعوودییەکە لە سەرجەم پاڵەوانێتییەکان بەشداریی 52 یاریی کردووە، 8 گۆڵی کردووە و 27 گۆڵی دروستکردووە.
