ئانتۆنی گۆردن باس لە جیاوازیی نێوان چامپیۆنزلیگ و پرێمەرلیگ دەکات

یاریگا –

ئانتۆنی گۆردنیش رووبەرووی پرسیارە باوەکە کرایەوە پەیوەست بە جیاوازیی نێوان خولی ئینگلیزی و خولی یانە پاڵەوانەکانی ئەوروپا. یاریزانەکەش بە شێوازی خۆی جیاوازییەکەی روونکردەوە.

گۆردن کە ئاستی ئەم وەرزەی پرێمەرلیگی تێبینی زۆری لەسەرە، بەوەی لە 18 یارییدا تەنها 2 گۆڵی هەیە، لە کۆنفرانسی رۆژنامەوانی پێش یارییەکەی ئەمشەویان بەرامبەر پاریس سانجێرمان لە هەفتەی 8ی چامپیۆنزلیگ کە کۆتا گەڕی یارییەکانی قۆناخی کۆمەڵەکانە و تێیدا 6 گۆڵ و ئەسێستێکی هەیە، وتی

جیاوازیی نێوان پرێمەرلیگ و چامپیۆنزلیگ؟ لە چامپیۆنزلیگ تیمەکان زیاتر کراوەتر یاریی دەکەن. هەموو یاریزانێک دەیەوێ تۆپی پێ راستەقینە ئەنجام بدات. بەڵام لە ئینگلتەرا یاریکردن تێیدا زیاتر جەستەییە. وەک وایە یاریی باسکە بکەیت.

🔔

غوردون: “الفرق بين البريميرليغ والتشامبيونزليغ؟ في الأبطال، الفرق تكون أكثر انفتاحًا، الكل يحاول لعب كرة قدم حقيقية، أما في إنجلترا، فاللعب يصبح أكثر بدنية، كما لو كانت مباريات كرة سلة.” pic.twitter.com/g6bkjm94Vx

— EPL World (@EPLworld) January 28, 2026

ئەو قسانەی هێرشبەرەکەی نیوکاسڵ لەکاتێدایە تا ئێستا لەم وەرزە یانەکەی لە چامپیۆنزلیگ باشتر دەرکەوتوون وەک لە پرێمەرلیگ. لەوەی یەکەم 13 خاڵیان هەیە و لە پلەی 7ی ریزبدەنیەکەن بۆ شەڕی گەیشتنی راستەوخۆ بە قۆناخی 16. هەرچی لەوەی دووەمە، دوای 23 هەفتە تەنها 33 خاڵیان کۆکردووەتەوە و لە پلەی نۆیەم دەبینرێن.