یاریگا
چەند رۆژێکە دەنگۆی زۆر لە میدیا و سەرچاوە فەڕەنسییەکان پەرەپێدەدرێت لەبارەی نیازی لویس ئێنریکی بۆ جێهێشتنی پاریس سانجێرمان لە کۆتایی وەرزەکە.
راهێنەرە ئیسپانییەکە لە هاوینی 2023 پۆستی یانەکەی پایتەختی فەڕەنسای گرتەدەست و تا ئێستا توانیویەتی 9 نازناویان بۆ بباتەوە کە گرنگترینیان خەونە لەمێژینەکەیان چامپیۆنزلیگی وەرزی رابردوو.
وەک لە هەواڵەکاندا باس لێوەدەکرا، ئێنریکی دەیەوێ وەرزی داهاتوو ئاڵنگارییەکی نوێ تاقیبکاتەوە.
لە نوێترین لێدوانیدا راهێنەرە ئیسپانییەکە سەرجەم ئەو دەنگوباسانەی رەتکردەوە و وتی
هەمتشە ئەم دەنگۆیانە بە چواردەوری پی ئێس جیدا دەسووڕێتەوە. هەواڵی ساختەی زۆر هەن. بەم کارە دەیانەوە دۆخی یاریزانەکان و تیمەکە ناسەقامگیر بکەن. بەڵام هیچێکی ئەوانە روونادات.
لە درێژەی قسەکانیدا ئێنریکی نەیشاردەوە کە گفتوگۆ بوونی هەیە و وتی
شتێکی ئاساییە گفتوگۆ هەبێت، بەڵام وەک بابەتێکی تایبەت دەمێنێتەوە.
🚨 Luis Enrique denies reports on PSG new deal rejected: “These are rumors always going around PSG. There are a lot of fake news. They are trying to destabilize the players and the team but none of that is going to happen”.
“It’s normal to have talks but it remains private”. pic.twitter.com/aVZzBkdN83
— Fabrizio Romano (@FabrizioRomano) January 11, 2026
