فلیک نیگەرانە؛ بارسێلۆنا هاوشێوەی وەرزی رابردوو نییە

یاریگا –

هانزی فلیک، راهێنەری بارسێلۆنا بە ئاستی گشتی یاریزانانی تیمەکەی لە یارییەکەی دێپۆرتیڤۆ ئالاڤێس رازی نییە، هەرچەندە بلوگرانا 3-1 یارییەکەی بردەوە.

فلیک رەخنەی زۆری لە لەدەستدانی تۆپ و کۆنتڕۆڵی یارییەکەی کرد، بەڵام بە ئاستی بەرگریکاران رازییە و بەشێک لە کێشەکان چارەسەر کراون.

فلیک لە دوای یارییەکە باسی درەوشانەوەی رافینیای کرد؛

بەلای منەوە رافینیا یاریزانێکی گرنگە، چونکە چڕی لە هێڵی پێشەوە دروستدەکات.

رافینیا بەردەوام زیندووێتی دەخاتە نێو شێوازی یارییکردنمان، چونکە خاوەنی هێزێکی زۆرە و کاتێک فشار دەکات، هەمووان ناچار دەکات، فشاری لەسەر دروست بکەن، بەڵام بۆ یارییەکانی داهاتوو دەبێ ئاستی خۆی باشتر بکات.

فلیک لەبارەی گۆڵە خێراکەی ئالاڤێس دوای تێپەڕبوونی 43 چرکەدا گوتی؛

لە گێمی یەکەمدا، دەرفەتی زۆری گۆڵکردنمان بۆ رەخسا، هەروەها لە گێمی دووەمیشدا، بۆیە دەبێ خۆمان باشتر بکەین، بەڵام بەبەدەستهێنانی سێ خاڵی یارییەکە دڵخۆشم.

دەبێ لە زۆر لایەن خۆمان باشتر بکەین، بەڵام هەندێک ساتی یارییەکەم بەدڵ نەبوو، زۆر تۆپمان لەدەستدا و ئەمەش شتێکی نائاساییە.