یاریگا –
ئارنێ سڵۆت، لااهێنه‌ری هۆڵه‌ندیی یانه‌ی لیڤه‌رپوول، له چه‌ند هه‌فته‌ی داهاتوودا لاووبه‌ڕووی جه‌نگێكی لااسته‌قینه ده‌بێته‌وه بۆ رزگاركردنی داهاتووی له‌گه‌ڵ یانه‌كه.
له كاتێكدا دۆخی یانه‌كه به‌ره‌و ئاڵۆزی ده‌چێت، ئه‌م دۆخه مه‌ترسیداره، ته‌نیا شه‌ش مانگ دوای ئه‌وه‌ی سلۆت له كۆتایی وه‌رزی یه‌كه‌می سه‌رسوڕهێنه‌ریدا نازناوی خولی ئینگلیزی به‌ده‌ستهێنا سه‌ریهه‌ڵداوه.
خراپترین زنجیره ئه‌نجام له 71 ساڵی رابردوو
یانه‌ی لیڤه‌رپوول له‌گه‌ڵ سڵۆت تووشی شكستێكی گه‌وره بووه. یانه‌كه له دوازده یاریی رابردووی له هه‌موو پاڵه‌وانێتییه‌كاندا نۆ یاریی دۆڕاندووه، له به‌رامبه‌ردا ته‌نیا یه‌ك بردنه‌وه‌ی له حه‌وت یاریی رابردووی خوله‌كه‌دا تۆمار كردووه. ئه‌م زنجیره ئه‌نجامه به خراپترین ئه‌نجامی یانه‌كه داده‌نرێت له ماوه‌ی 71 ساڵی رابردوودا .
دواین شكست به ئه‌نجامی 4-1 بوو له یاریگای ئانفێڵد به‌رامبه‌ر یانه‌ی ئایندهۆڤن له چامپیۆنزلیگ، ئه‌مه‌ش ئاستی قه‌یرانه‌كه‌ی زیاتر كرد. له ئه‌نجامی ئه‌م دۆخه، جه‌ماوه‌ری لیڤه‌رپوول به شێوه‌یه‌كی ئاشكرا ناڕه‌زایی خۆیان ده‌ربڕی و پێش كۆتایی یارییه‌كه یاریگایان جێهێشت، له كاتێكدا گومانه‌كان له‌سه‌ر داهاتووی راهێنه‌ره هۆڵه‌ندییه‌كه زیاتر ده‌بێت.
🚨🔴 According to Sky Sports Austria’s senior journalist Marc Janko, Liverpool is planning to contact Oliver Glasner about a move to Merseyside 😳:
“Perhaps Oliver Glasner should turn on his phone.
Because I imagine he may receive a call soon.”
(@JankoMarc) pic.twitter.com/jkHOj8Wr9l
— Liverpool Zone (@LiverpoolZNE) November 28, 2025
به‌ربژێره ئه‌گه‌رییه‌كان بۆ جێگرتنه‌وه
له ئه‌گه‌ری رۆیشتنی سڵۆت، تۆڕی سكای سپۆرت زانیاری له‌سه‌ر ئه‌و كه‌سانه‌ی كه ئه‌گه‌ری هه‌یه جێگه‌ی سڵۆت بگرنه‌وه. ئاشكرا ده‌كات و یه‌كێك له‌و ناوانه‌ی ده‌هێنرێت، یۆرگن كلۆپه، كه ناوی بۆ گه‌ڕانه‌وه‌یه‌كی چاوه‌ڕواننه‌كراو بۆ ئانفێڵد ده‌هێنرێت. به‌ڵام ئه‌گه‌ری ئه‌مه زۆر كه‌مه، چونكه كلۆپ ئێستا گرێبه‌ستی تاوه‌كو ساڵی 2029 له پۆستی سه‌رۆكی كه‌رتی تۆپی پێی جیهانی له كۆمپانیای رید بوڵ هه‌یه
له هه‌مان كاتدا، دوو ناوی دیكه له خولی ئینگلیزیدا وه‌ك به‌ربژێری به‌هێز ده‌ركه‌وتوون، ئاندۆنی ئیراولا، راهێنه‌ری بۆرنمۆس و ئۆلیڤه‌ر گلاسدنه‌ر، راهێنه‌ری كریستاڵ پاڵاسه، گرێبه‌ستی هه‌ردوو ڕاهێنه‌ر له هاوینی 2026 كۆتایی دێت. هه‌ردوو راهێنه‌ر به‌وه ناسراون كه له ناوه‌ڕاستی وه‌رزدا یانه‌كانیان جێناهێڵن، سه‌ره‌ڕای ئه‌وه‌ی ئیراولا پێشتر ناوی بۆ پۆستی راهێنه‌ری لیدز یونایتد هێنراوه.
گلاسدنه‌ر له پێشه‌نگی به‌ربژێره‌كاندا
له نێو به‌ربژێره‌كاندا، ناوی ئۆلیڤه‌ر گلاسدنه‌ر به شێوه‌یه‌كی به‌رچاو ده‌ركه‌وتووه. سه‌رچاوه‌كانی نه‌مسا،ئاماژه به‌وه ده‌كه‌ن كه ئه‌و ئاماده‌یه بۆ گفتوگۆ له‌گه‌ڵ لیڤه‌رپوول، مارك یانكۆ، رۆژنامه‌نووسی سكای سپۆرتسی نه‌مسا، رایگه‌یاندن،
“له‌وانه‌یه پێویست بێت ئۆلیڤه‌ر گلاسدنه‌ر مۆبایله‌كه‌ی به كراوه‌یی بهێڵێته‌وه… چونكه پێشبینی ده‌كه‌م له‌وانه‌یه له داهاتوویه‌كی نزیكدا په‌یوه‌ندییه‌كی گرنگی پێبگات.
ئه‌مه‌ش ئاماژه‌یه‌كی ڕوونه بۆ ئه‌وه‌ی كه لیڤه‌رپوول پلانی بۆ ئه‌وه داناوه كه گلاسدنه‌ر بۆ مێرسیساید بگوازێته‌وه، به‌ڵام رازیكردنی ئه‌و یان ئیراولا به هه‌ڵوه‌شاندنه‌وه‌ی گرێبه‌سته‌كانیان له ناوه‌ڕاستی وه‌رزدا ئه‌ركێكی ئاڵۆزه و پێویستی به قه‌ره‌بووی دارایی گه‌وره ده‌بێت.
هه‌روه‌ها، ئاڵۆزییه‌كی تر ئه‌وه‌یه كه په‌یوه‌ندییه‌كانی نێوان لیڤه‌رپوول و كریستاڵ پاڵاس به‌هۆی كێشه‌ی گواستنه‌وه‌ی مارك گێهی له مانگی ئابی رابردووه‌وه تێكچووه، ئه‌مه‌ش گفتوگۆكردن له‌گه‌ڵ پاڵاس له‌سه‌ر گلاسدنه‌ر قورستر ده‌كات.
