یاریگا –
ئۆرێلیەن چوامینی، لە دوای دابڕانێک بەهۆی پێکانەوە جارێکی دیکە پەیوەندی بە مەشقە بەکۆمەڵەکانی یانەکەی کردەوە.
ئەمڕۆ، لە ناوەندی وەرزشی ڤالدێبێباس بۆ ئامادەکارییەکانی رووبەڕووبوونەوەی ئێلچێ، یانەی ریال مەدرید دوا مەشق و راهێنانی کرد و هەموو یاریزانە نێو دەوڵەتییەکانی یانەکەش بە بێ هیچ کێشەو پێکانیک گەڕانەوە. هەموویان بە شێوەیەکی ئاسایی مەشق و راهێنانیان دەکرد، جگە لە دەیڤید ئالابا کە بەهۆی هەوکردنی ماسولکەکانییەوە نەیتوانی راهێنان بکات.
هەواڵی گەورەی راهێنانەکان لەسەر چوامینی بوو کە لەگەڵ یاریزانەکانی دیکە ئەمڕۆ و دوێنێ مەشقی کرد و پێشبینی دەکرێت لە پێکهاتەی یارییەکەی بەرامبەر ئێلچێدا ئامادەبێت. فێدریکۆ ڤالڤێردی و تیبۆ کۆرتوا کە لە کۆتا خولەکدا لەگەڵ هەڵبژاردەکانیان گەشتیان نەکرد ئەمڕۆ بەبێ هیچ کێشەیەک راهێنانیان کرد.
🏃 @BellinghamJude
🏃 @ATchouameni pic.twitter.com/Z6XVAC8u4W— Real Madrid C.F. (@realmadrid) November 21, 2025
کیلیان ئێمباپێ، دوای ئەوەی دوو گۆڵی بۆ فەرەنسا تۆمارکرد،زوو گەڕایەوە مەدرید، هەروەها دۆخێکی هاوشێوەی هەیە. لەلایەکی دیکەوە دانی کارڤاخال و ئیدەر میلیتاو و فرانکۆ ماستانتانۆ بەردەوامن لە چارەسەر وەرگرتن و بەدڵنیاییەوە لە یاری داهاتوودا بەشداری ناکەن.
لە هەواڵێکی دڵخۆشکەری دیکە بۆ هاندەرانی ریال مەدرید، ئانتۆنیۆ رودیگەر گەڕایەوە و ئەمڕۆ لە ناوەندی وەرزشی ڤاڵدێبیباس راهێنانی کرد. بەرگریکارە ئەڵمانیەکە مەشقەکانی ناو هۆڵ و یاریگای بەیەکەوە کرد. توانی بەشێکی راهێنانەکان شانبەشانی هاوڕێکانی تەواو بکات، مەشقەکانی ئەم هەفتەیەش هەڵسەنگاندنی چانسی گەڕانەوەی یاریزانەکە دەبێت.
