یاریگا –
سۆن هیونگ مین، هێرشبەری کۆری دەنگۆکانی گەڕانەوەی بۆ خولەکانی ئەوڕوپا رەتدەکاتەوە.
سۆن، کە لە مانگی ئابی 2025، لە دوای 10 ساڵ تۆتنهامی جێهێشت و پەیوەندی بە یانەی لۆس ئانجلێسەوە کرد، ناڕەزایی خۆی بەرامبەر بەو دەنگۆیانەی لەبارەی داهاتوویەوە دەکرێن، دەربڕی. یاریزانەکە لە دوایین چاوپێکەوتنیدا لەبارەی گەڕانەوەی بۆ ئەوڕوپا گوتی:
هەرگیز لەگەڵ هیچ یانەیەک قسەم لەسەر گواستنەوەی زستانە نەکردووە، ئەم قسەیە لە بنەڕەتدا هەڵەیە، بۆ من رێزگرتن لە یانەکەم و بەخشینی هەموو توانام لە هەر شوێنێک یاری بکەم گرنگترین شتە.
🚨❌ Heung-min Son confirms links with loan to European club in January are not true: “I won’t leave LAFC this winter, or ever, while I’m here. I respect this club deeply”.
“As long as I’m wearing this badge, there will be no such thing as a loan or a move. Never”. pic.twitter.com/rd9Ctxrx9k
— Fabrizio Romano (@FabrizioRomano) November 12, 2025
لە درێژەی قسەکانیدا گوتی:
من لەم زستانەدا یان لە هەر کاتێکی دیکەدا، تا لێرەم تا ئەو کاتەی ئەم لۆگۆیەم لەبەر بێت یانەی لۆس ئانجلێس جێناهێڵم. رێزێکی زۆرم بۆ یانەکە هەیە و شتێکیش بە ناوی خواستن یان رۆشتن نییە.
ئەم کاردانەوەی هێرشبەرە کۆرییەکە لەکاتێکدا بوو کە میدیاکان لەماوەی رابردوودا دەنگۆی گەڕانەوەی سۆنیان بۆ ئەوڕوپا بڵاودەکردەوە و هاندەرانی یانە ئەمریکییەکەیان نیگەران کردبوو. سۆن تاوەکوو ئێستا بەشداری 12 یاریی فەرمی بە جلی یانە نوێیەکەیەوە کردووە و خاوەنی 10 گۆڵ و دوو ئەسیستە.
