یاریگا –
زینەدین زیدان، ئەفسانەی تۆپی پێی هەڵبژاردەی فەڕەنسا و راهێنەری پێشووتری ریال مەدرید رایگەیاند بەمزووانە دەگەڕێتەوە و كاری راهێنەرایەتی دەستپێدەكاتەوە.
زیدان لە دوای جێهێشتنی ریال مەدرید لە وەرزی 2020/2021 هیچ ئەزموونێكی دیكەی تاقی نەكردەوە و زۆر ئۆفەری یانە و هەڵبژاردەكانی رەتكردەوە.
راهێنەرە فەڕەنسیەكە سەركردایەتی ریال مەدریدی كرد و توانیان سێ نازناوی چامپیۆنزلیگی یەک لە دوای یەک بەدەستبهێنن.
🚨 Zinedine Zidane when asked about coaching a new team: “It will happen soon, very soon”. pic.twitter.com/IBQoOKT9DH
— Fabrizio Romano (@FabrizioRomano) November 10, 2025
لە لێدوانێكیدا كە فابریزیۆ رۆمانۆ رۆژنامەنووسی ئیتاڵی لە هەژماری تایبەتی خۆی بڵاویكردووەتەوە، زیدان دەربارەی گەڕانەوەی بۆ كاری راهێنەرایەتی گوتی؛
بەمزووانە، زۆر نزیكە و بەمزووانە روودەدات.
زۆربەی سەرچاوەكان زیدان بە وەرگرتنی ئەركی راهێنەرایەتیكردنی هەڵبژاردەی فەڕەنسا دەبەستنەوە، لە جێگای دیدیێ دیشان كە گرێبەستەكەی لە دوای جامی جیهانی 2026 بەسەردەچێت.
زیزۆ وەكو راهێنەر لەگەڵ ریال مەدرید نازناوەكانی چامپیۆنزلیگ 3 جار، لالیگا 2 جار، سوپەری ئەوروپا 2 جار، جامی جیهانی یانەكان 2 جار و جامی سوپەری ئیسپانیای 2 جار بەدەستهێناوە.
