فلیک گرنگی بە ژاوەژاو و رەخنەکان نادات؛ تەنیا بیر لە تیمەکەم دەکەمەوە

یاریگا –

هانزی فلیک، راهێنەری بارسێلۆنا هیچ گرنگی بە رەخنەکان نادات، دوای بردنەوەی 2-4 لە سێلتا ڤیگۆ.

لە دەیەم یاریی لەسەریەکدا، بارسێلۆنا گۆڵی لێدەکرێت و لەم وەرزەدا 18 گۆڵی لێکراوە، ئەمەش خراپترین ریکۆردە لە 12 ساڵی رابردوودا.

فلیک لە لێدوانێکیدا بۆ کەناڵی موڤیستار+ وەڵامی رەخنەکانی دایەوە؛

پێویستە زۆر بابەت روونبکرێنەوە، بەڵام خەریکە ئەوە دەکەم و ژاوەژاوێکی زۆر لە دەوروبەری ئێمە هەیە. دەمانەوێت یاریزانە پێکراوەکان بگەڕێنینەوە و جارێکی دیکە یانەکە بگەڕێنینەوە سەر رێچکەیەکی دروست.

یارییەکەی ئەمڕۆ هەڵدەسەنگێنین، چونکە هەموو شتێک باش نەبوو، تیمەکەمان بەباشی مامەڵەی لەگەڵ تۆپ نەکرد و لە گێمی دووەم بەرگرییەکی باشترمان کرد.

ئاستی گێمی دووەم، متمانەمان بۆ یارییەکانی داهاتوو پێدەبەخشێت، ئێستا تەنیا سەرنجمان لەسەر تیمەکەی خۆمانە. بە شێوازی فشاری تیمەکەم دڵخۆشم، بردنەوەکەی پێش پشووی نێودەوڵەتی گرنگ بوو.