فلیک: ئەم بارسێلۆنایەم دەوێت و راشفۆرد یاریزانێکی ‘جیاوازە’

یاریگا –

هانزی فلیک، راهێنەری بارسێلۆنا ستایشێکی زۆری تیمەکەی کرد، دوای بردنەوە لە ئێڵچێ 3-1.

بردنەوەکە لە دوای دۆڕانی یاریی کلاسیکۆ 2-1 بوو بەرامبەر ریال مەدرید، کە ئێستا بە جیاوازی پێنج خاڵ پێشەنگی لالیگا.

بارسێلۆنا دوو گۆڵی خێرای لەڕێگەی لامین یامال و فێران تۆرێس لە خوولەکەکانی 9 و 11 کرد، مارکوس راشفۆردیش گۆڵی سێیەمی بارسای کرد. فلیک دوای یارییەکە روونیکردەوە؛

لە یارییەکانی رابردوو باشتر یاریمان کرد، تیمەکەمان پێکەوە فشارێکی زۆری کرد و دڵخۆشم بە ئاستی تیمەکەم.

سێ خاڵی یارییەکە لە هەموو شتێکی دیکە گرنگترە. چەندین دەرفەتی گۆڵ کردنمان بۆ رەخسا، ئەمەش خاڵێکی ئەرێنییە و هەنگاو بە هەنگاو لەسەر رێچکە دروستەکەین.

فلیک لە بەشێکی دیکەی قسەکانیدا، ستایشێکی زۆری راشفۆردی کرد و بە یاریزانێکی ‘جیاواز’ وەسفیکرد؛

بە ئاستی راشفۆرد دڵخۆشم، دەتوانێت گۆڵی زیاتریش بکات، هەروەها فێران تۆرێسیش توانای زیاتری هەیە.

لە دوو رۆژی رابردوودا باشترین ئامادەکاری و مەشقی ئەم وەرزەمان کردووە. کاردانەوەی مەشقەکان لە یارییەکە زۆر روونبوو. ئێستا یەک دوو هەنگاو لە رێڕەوی ئاسایی خۆمان دوورین.

فلیک سەرنجی لەسەر دۆخی جەستەیی لامین یامال دانا و گوتی؛

یامال پابەندییەکی زۆری پیشانداوە و خۆی ماندوو دەکات. لامین پێویستی بە مەشقی زیاترە.