یاریگا –
چابی ئاڵۆنسۆ، راهێنەری ریال مەدرید باسی گرنگی بردنەوەی یارییەکەی یوڤێنتوس بەر لە یاریی کلاسیکۆ کرد.
مەدرید بە تاکە گۆڵی جود بێڵینگهام لە گەڕی سێیەمی قۆناخی خول – چامپیۆنزلیگ لە یوڤێنتوسی بردەوە و پارێزگاری لە دەستپێکە ناوازەکەی ئەم وەرزەی چامپیۆنزلیگ کرد، هاوشانی پاریس سانجێرمان و بایرن میونشن، ئارسیناڵ و ئینتەر میلان پێشەنگی ریزبەندییە.
یەکشەممەی داهاتوو لە سانتیاگۆ بێرنابیۆ، مەدرید رووبەڕووی بارسێلۆنا دەبێتەوە. ئاڵۆنسۆ بە جیاوازی دوو خاڵ و کۆکردنەوەی 24 خاڵ پێشەنگی لالیگا و بارسێلۆنا دووەمە.
دوای بردنەوەی یارییەکەی یوڤێنتوس، ئاڵۆنسۆ روونیکردەوە؛
یاریی کلاسیکۆ ناوازە دەبێت، یارییەکی زۆر گرنگە بۆ لالیگا و پێشەنگی خول یەکلاییدکەاتەوە.
باش لە گرنگی یاریی یەکشەممە تێدەگەین، رووبەڕووی بارسێلۆنا دەبینەوە و یارییەکی قورسە، هەوڵدەدەین بەباشترین شێوە خۆمان ئامادە بکەین.
بێڵینگهام ‘تەواوترین – کامڵترین’ یاریزانی جیهانە
دۆن ئاڵۆنسۆ باسی گرنگی بردنەوەکەی یوڤێنتوس کرد و زۆر ستایشی بێڵینگهامی کرد؛
بێڵینگهام یارییەکی زۆر باشی کرد، بە ئاستی ئەمڕۆی سەرسام بووم، چێژم لە یارییەکە وەرگرت و هەستی ئەرێنیم پێگەیشت.
زۆر بۆ بێڵینگهام دڵخۆشم و بەبوونی لەگەڵ ئێمە بەخت یاوەرمانە، یەکێکە لە کامڵترین یاریزانانی جیهانە.
بەم بردنەوەیە دڵخۆشین و ئێستا خاوەنی 9 خاڵین، هیچ بردنەوەیەک لە چامپیۆنزلیگ ئاسان نییە.
Xabi Alonso: “Estamos donde estamos, y estamos bien…”
“¿El Clásico? Sin duda que tiene mucho significado. Tanto por el partido en sí como por la clasificación y la repercusión que tiene” pic.twitter.com/z0v15YLsST
— Diario AS (@diarioas) October 22, 2025
