یاریگا –
بارسێلۆنا بەبێ دوو ئەستێرەی سەرەکی، ئامادەکارییەکانی بۆ رووبەڕووبوونەوەی ئۆڵۆمپیاکۆس دەستپێکردووە.
رۆژنامەنووسی ئیسپانی ئالفرێدۆ مارتینێز بڵاویکردووەتەوە، هەردوو هێرشبەری بارسێلۆنا، رافینیا و فێران تۆرێس بەشداریی مەشقەکانی ئەمڕۆیان نەکردووە و بەشداریی یارییەکەی ئۆڵۆمپیاکۆس ناکەن.
Ni Raphinha ni Ferran entrenan en la previa de Olympiakos. Flick no recupera efectivos para la Champions . Malas noticias en la semana del clásico pic.twitter.com/cWx8fjOAMV
— Alfredo Martínez (@Alfremartinezz) October 20, 2025
بارسێلۆنا سبەی سێشەممە 21ـی ئۆکتۆبەری 2025 لە یارییەکانی گەڕی سێیەمی قۆناخی خول لە چامپیۆنزلیگ میوانداری ئۆڵۆمپیاکۆسی یۆنانی دەکات.
هاوکات تەنیا پێنج رۆژ دوای ئەو یارییە لە یاریی کلاسیکۆی ئیسپانیا لە سانتیاگۆ بێرنابیۆ دەبێتە میوانی ریال مەدرید.
بەگوێرەی زانیارییەکانی هەمان سەرچاوە، دیار نییە رافینیا و فێران تۆرێس دەتوانن بەرامبەر ریال مەدرید یاریی بکەن یاخود نا، بەڵام چانسی رافینیا بۆ گەڕانەوە زیاترە و ئەگەری هەیە بۆ یارییەکەی ریال مەدرید بگەڕێتەوە.
