دوایین پەرەسەندن؛ بارسێلۆنا هەوڵی رازیکردنی کەنان یڵدز دەدات
سێ یانە ململانێی گواستنەوەی دەکەن
یاریگا –
بارسێلۆنا هەوڵەکانی بۆ گواستنەوەی کەنان یڵدز، هێرشبەری بارسێلۆنا دەسیپێکردووە.
رۆژنامەی لاگازێتا دێلۆ سپۆرت بڵاویکردووەتەوە، یوڤێنتوس ئێستا لە هەموو کاتێک زیاتر ترسی لەدەستدانی کەنان یڵدزی هەیە، چونکە بارسێلۆنا و دوو یانەی دیکەی پرێمەرلیگ بۆ گواستنەوەی لەسەر هێڵن.
خانمە پیرەکە لە مێرکاتۆی هاوینەی رابردوو ئۆفەرێکی چێڵسی بە بەهای 67 ملیۆن پاوەند رەتکردەوە، ئارسیناڵیش چاوی لەسەرییەتی و هەردوو یانە لەندەنییەک ململانێی بەدەستهێنانی دەکەن.
Paradosso Yildiz: per la Juve è intoccabile ma in 18 guadagnano più di lui. E tre big già lo puntano https://t.co/prIzm4b1mx
— La Gazzetta dello Sport (@Gazzetta_it) October 15, 2025
بەگوێری هەمان سەرچاوە، یوڤێنتوس بڕیاریداوە مووچەی ساڵانەی کەنان یڵدز لە 1.7 ملیۆن یۆرۆ بۆ 6 ملیۆن یۆرۆ زیاد بکات، ئەم هەنگاوەش لەپێناو هێشتنەوەی یاریزانەکە دەنێت.
یڵدز لە هاوینی 2022 بەخۆڕایی لە تیپی ژێر 19 ساڵانی بایر میونشنەوە پەیوەندی بە یوڤێنتوس کرد و تاوەکو هاوینی 2029 گرێبەستی لەگەڵ خانمە پیرەکە هەیە، بەهای ئێستای لە بۆڕسەی یاریزانان 75 ملیۆن یۆرۆیە.
یاریزانە 20 ساڵانییەکە لەم وەرزە بە درێسی یوڤێ لە 12 یاریی بەشداریی 11 گۆڵی کردووە، 5 گۆڵی کردووە و 6 گۆڵی دروستکردووە.
