دهۆک راهێنەری نوێی دەستنیشانکرد

یاریگا –

یاریزانێکی پێشووی یانەی دهۆک ئەرکی راهێنەرایەتی تیپەکەی بۆ خولی پلە یەکی کوردستان وەرگرت.

بە شێوەیەکی فەرمی دهۆک دەستەی راهێنەرانی بۆ تیپی بەشدار لە خولی پلە یەکی کوردستان دیاریکرد، هەرمان ساڵح، یاریزان و راهێنەری پێشووی هەڵۆکانی چیا ئەرکی راهێنەرایەتی دهۆکی تیپی بەشدار لە خولی پلە یەکی کوردستان وەرگرت کە بڕیارە خولەکە لە سەرەتای مانگی داهاتوو بەڕێوەبچێت.

ئاشتی مستەفا، وەک یاریدەدەری راهێنەر لەگەڵ تیپەکە دەبێت، جاسم محەمەد حاجی، یاریزان و ئەستێرەی پێشووی تیپەکەش وەک سەرپەرشتیاری تیپ دەستنیشانکرا، بڕیاریشە دوو شەممە ( 13ـی ئۆکتۆبەر ) یەکەم یەکەی مەشقی تیپەکە دەست پێبکات