یاریگا –
دیێگۆ کۆچین، گۆڵپارێزی لاوی بارسیلۆنا، بەهۆی پێکانەکەی خوان گارسیا بەشداری مۆندیالی خوار 20 ساڵان ناکات.
پاشنیوەڕۆی رۆژی هەینی یانەی بارسێلۆنا بەیاننامەیەکی بڵاوکردەوە و رایگەیاند خوان گارسیا تووشی پێکان بووە. بەهۆی ئەم پێکانە گۆڵپارێزە کاتالۆنییەکە بۆ ماوەی چوار بۆ شەش هەفتە لە یاریگاکان دوور دەکەوێتەوە. لەو ماوەیەدا چێزنی پارێزگاری لە گۆڵی بارسا دەکات، هەروەک چۆن وەرزی رابردوو لە ماوەی دوورکەوتنەوەی درێژخایەنی تێر شتیگن شوێنگرەوەی گۆڵپارێزە ئەڵمانییەکە بوو.
لە سەرەتای ئەم وەرزەدا دیێگۆ کۆچین وەک گۆڵپارێزی سێیەمی بارسێلۆنا بانگهێشتی تیپی یەکەم کرا. دەرچووی لاماسیا لە پێش وەرزدا لەگەڵ تیپی یەکەم بەهۆی پێکانی تێرشتیگنەوە بەشداری گەشتی ئاسیای کرد. ئاستە سەرنجڕاکێشەکانی بووە هۆی ئەوەی کە بانگهێشتی هەڵبژاردەی ژێر 20 ساڵانی ئەمریکا بکات بۆ مۆندیالی خوار 20 ساڵان لە شیلی. بەڵام لەگەڵ پشتڕاستکردنەوەی پێکانەکەی خوان گارسیا، گۆڵپارێزە ئەمریکییە ئەمریکییەکە گەڕایەوە بارسێلۆنا بۆ ئەوەی جارێکی دیکە لەژێر چاودێری فلیکدا بێت.
بڕیاربوو رۆژی سێشەممە دیێگۆ کۆچین یەکەم یاری خۆی لە مۆندیالی خوار 20 ساڵان بەرامبەر نیو کالیدۆنیا بکات، بەڵام گۆڕانکاری لە پلانەکانی بارسێلۆنا وایکرد کە لە یارییەکەی لالیگا بەرامبەر ریال سۆسیداد لە یاریگای مۆنتخویک لەسەر کورسی یەدەگ دابنیشێت.
