تەواو؛ دۆناروما بۆ یانەیەکی پرێمەرلیگ تەنها یەک هەنگاوی ماوە

یاریگا –

پەیوەندیکردنی جیانلویجی دۆناروما بە گەورەیەکی پرێمەرلیگەوە تەنها یەک هەنگاوی ماوە، زۆرێک لە وردەکارییەکان یەکلایی بووەتەوە.

نێوانی دۆناروما و پاریس سانجێرمان دوای مۆندیالی یانەکان بەشێوەیەکی کتوپڕ و چاوەڕواننەکراو تێکچوو. یانەکەی پایتەختی فەڕەنسا هەرزوو شوێنگرەوەی گۆڵپارێزە ئیتاڵیەکەی گواستەوە. کە ئەوەش دەرگای رۆشتنی بەڕووی جیانلویجیدا کردەوە و زۆر یانەش بۆی هاتنە سەر هێڵ، بەتایبەت هەردوو یانەکەی شاری مانچێستەر.

فەرمی؛ پاریس گرێبەستە چاوەڕوانکراوەکەی راگەیاند

بەگوێرەی نوێترین زانیاریی کە فابریزۆ رۆمانۆ بڵاویکردووەتەوە، گفتگۆیەکانی پشتەوەی پەردە هێشتا بەردەوامییان هەیە بۆ گواستنەوەی دۆناروما بۆ مان سیتی.

لەنێوان هەردوو یانەکەش گفتوگۆی ئەرێنی هەیە لەسەر نرخەکەی کە 30-35 ملیۆن یۆرۆ دەبێت. سیتی لەگەڵ خودی گۆڵچیە 26 ساڵییەکە گەیشتووەتە رێککەوتنی تەواوەتی.

وەک رۆژنامەنووسەکە زانیویەتی، ئەوەی پڕۆسەی گواستنەوەکەی لە چاوەڕوانییدا هێشتووەتەوە رۆشتنی ئێدەرسن مۆرایشە کە نزیکە لەوەی بەفەرمی پەیوەندی بە گاڵاتاسەرای تورکیەوە بکات.

جگە لەو یانە تورکیە، پێشتر ناوی یانەی نەسڕی سعوودیش بە گۆڵپارێزە بەڕازیلیەکەوە دەلکێنرا، بەڵام رۆمانۆ هەر جۆرە گفتوگۆیەکی لەو بارەیەوە رەتکردووەتەوە.

🚨🔵⚪️ Negotiations are continuing in the background for Gigio Donnarumma to Manchester City.

Positive talks with PSG on €30/35m deal and total agreement with Donnarumma… but still waiting for Éderson exit.

Galatasaray want Éderson, Al Nassr not in talks. pic.twitter.com/EjfgOcZLMK

— Fabrizio Romano (@FabrizioRomano) August 29, 2025