کەی دەرگای مێرکاتۆ پێنج خوله گه‌وره‌كه دادەخرێت و چی روو دەدات؟
چاوەڕوانییەکان بۆ رۆژانی کۆتایی مێرکاتۆ
یاریگا –
کۆتایی مێركاتۆی یاریزانان لە خولە گەورەکانی ئەوروپا نزیک دەبێتەوە، یانەکان لە هەوڵدان بۆ تەواوکردنی گرێبەستەکانیان پێش داخستنی دەرگای مێرکاتۆ.
خاڵی هاوبەش لە نێوان پێنج خولە گەورەکەی ئەوروپا ئەوەیە کە دەرگای گواستنەوەی یاریزانان لە رۆژی دووشەممە، 1ـی ئەیلوول دادەخرێت، بەڵام کاتی داخستنەکە لە هەر خولێکدا جیاوازە:
كاتی داخستنی مێركاتۆی پێنج خوله گه‌وره‌كه به‌م شێوه‌یه ده‌بێت:
- خولی ئیسپانیا کاتژمێر 12:59 بە کاتی هه‌ولێر دادەخرێت.
- خولی ئینگڵته‌را کاتژمێر 8:00 بە کاتی هه‌ولێر دادەخرێت.
- خولی فه‌ڕه‌نسا کاتژمێر 12:59 بە کاتی هه‌ولێر دادەخرێت.
- خولی ئیتاڵیا: کاتژمێر 09:00 بە کاتی هه‌ولێر دادەخرێت.
- خولی ئه‌ڵمانیا : کاتژمێر 09:00 بە کاتی هه‌ولێر ئیبیریا دادەخرێت.
تۆمارکردنی یاریزانان هاوكاته لەگەڵ داخستنی دەرگای گواستنەوە، واتە، هەر یاریزانێک کە گرێبەستی هەبێت و لە کاتی دیاریکراودا لە خولەکەدا تۆمار نەکرابێت، ناتوانێت یاری بکات تاوه‌كو دەرگای گواستنەوەی زستانە دەکرێتەوە، بەڵام ئەگەر یاریزانێک گرێبەستەکەی هەڵوەشێنێتەوە و ببێتە یاریزانێكی ئازاد، دەتوانێت لە هەر کاتێکدا لەگەڵ یانەیەکی تر تۆمار بکرێت، تەنانەت ئەگەر دەرگای گواستنەوەش داخرا بێت.
چاوەڕوانییەکان بۆ رۆژانی کۆتایی مێرکاتۆ:
وەک هەموو وەرزێك گواستنەوەی یاریزانان، رۆژانی کۆتایی مێرکاتۆ پڕ دەبێت لە گۆڕانکاریی چاوەڕواننەکراو، چەندین گرێبەستی گەورە هێشتا یەکلایی نەکراونەتەوە و یانە گەورەکان هەوڵ دەدەن لە دوا ساتەکاندا یاریزانی نوێ بگوازنەوە یان یاریزانە زیادەکانیان بفرۆشن.
چاوەڕوان دەکرێت هەندێک لە گرێبەستە گەورەکان لەم چەند رۆژەی ماوەدا یەکلایی ببنەوە، بەتایبەتی بۆ یانە گەورەکانی وەک بارسێلۆنا، ریاڵ مەدرید، لیڤەرپوول، ئارسیناڵ، چێڵسی، بایرن میونشن، ئینتەر میلان و پاریس سان جێرمان.
چەند یاریزانێکی دیاریکراو و له‌گه‌ڵ ئه‌و یانانه‌ی چاوەڕوان دەکرێت لە دوا ساتەکانی مێرکاتۆدا گرێبەست بکەن:
ئەلێکساندەر ئیزاک نزیكه په‌یوه‌ندی به لیڤه‌رپوول بكات
لیڤەرپوول بە به‌هێزی هەوڵی گواستنەوەی ئیزاک دەدات و چەندین بۆندی پێشکەش کردووە.
ئۆریۆل رۆمیۆ: گرێبەستەکەی لەگەڵ بارسێلۆنا نزیکە لە هەڵوەشێنێته‌وه، ئەمەش له‌وانه‌یه ڕێگە خۆش بکات بۆ پەیوەندیکردنی بە یانەیەکی ترەوە.
یان ڤیرجیلی: بەپێی زانیارییەکان، ڤیرجیلی یاریزانی ئێستای بارسێلۆنا نزیكه په‌یوه‌ندی له مایۆركا بكات.
فێرمین لۆپێز : بارسێلۆنا چاوەڕێی ئەوە دەکات بزانێت چی بەسەر داهاتووی ئەم یاریزانە دێت، کە له‌وانه‌یه ببێتە جێگەی سەرنجی یانەکانی تر.
چاوەڕوان دەکرێت هەندێک یاریزانی دیار کە لە لیستی گواستنەوەدان، لەم رۆژانەی کۆتاییدا یانەکانیان بگۆڕن. ئەمەش وادەکات رۆژانی کۆتایی مێرکاتۆ ببێتە کاتێکی پڕ لە هەواڵ و گۆڕانکاریی خێرا.
