یاریگا –
راهێنەرێکی خولی ئینگلیزی لەژێر هەڕەشەی دوورخستنەوەدایە و دەرفەتەکانی بەردەمی ئێجگار کەمبووەتەوە.
بەگوێرەی هەواڵێک گرایم بایلی رۆژنامەنووسی ناسراوی ئینگلیزی بڵاویکردووەتەوە، گراهام پۆتەری راهێنەری وێستهام یونایتد لەلایەن خاوەنی یانەکەوە پەیامێکی راستەوخۆی پێدراوە لەبارەی ئەنجامەکانی هامەرزەوە.
پۆتەر لە زستانی ئەمساڵ وەک جێگرەوەی جولیان لوپیتیگی کرایە راهێنەری وێستهام، بەڵام ئەنجامەکانی لە ئاستی چاوەڕوانی بەرپرسانی یانەکە نەبوو. لە دوو یاریی سەرەتای ئەم وەرزەش دوو شکستی خواردووە، بەجۆرێک کە 8 گۆڵیان لێکراوە و خاوەنی تەنها گۆڵێکن.
وەک سەرچاوەکە ئاشکرایکردووە، داڤید سولیڤانی خاوەنی وێستهام تەنها دوو یاریی دیکە وەک دەرفەت دەداتە راهێنەرە ئینگلیزیەکە بۆ راستکردنەوەی باری لاری یانەکە، گەرنا ئەوا دووردەخرێتەوە.
🚨 West Ham owner David Sullivan will give Graham Potter two more games to turn things around at the club.
(Source: @GraemeBailey) pic.twitter.com/fcsgJ65wVx
— Transfer News Live (@DeadlineDayLive) August 24, 2025
دوو یاریی داهاتووی تیمەکەی پۆتەر بەرامبەر نۆتینگهام فۆرێستە لە میانی گەڕی سێیەمی یارییەکانی پرێمەرلیگ و، دووەم تاقیکردنەوەشیان لە بەرامبەر وۆڵڤرهامپتنە لە جامی کاپیتاڵ وەن.
