دوو گرێبەستی کردووە؛ یاریزانێکی بەڕازیلی دهۆکییەکان شۆک دەکات

یاریگا –

یاریزانێکی بەڕازیلی لە ماوەی دوو هەفتەدا گرێبەستی لەگەڵ دوو یانەی جیاوازدا کردووە.

لە 6ی ئاب/ئۆگەستی رابردوو، یانەی دهۆک وەکو راگەیاندنی گرێبەستێکی گەورە، گواستنەوەی ویڵنتن ناسیمێنتۆی راگەیاند.

ویڵنتن ناسیمێنتۆ تەمەنی 30 ساڵە و یاریی بۆ چەندین یانەی بەڕازیلی و پۆرتوگالی کردووە. بە یەکێک لە باشترینەکانی دڵی بەرگری دادەندرا.

 

View this post on Instagram

 

A post shared by DUHOK SPORT CLUB (@duhoksportclub)

یاریزانە بەڕازیلییەکە تەنیا بە ئۆنڵاین گرێبەستی لەگەڵ دهۆک کردبوو، بەڵام دوێنێ لەپڕ یانەی ئەنقەرە کەجیئۆرەنگوجوی بەشدار لە خولی پلەیەکی تورکیا، گواستنەوەی ویڵینتنی راگەیاند.

 

View this post on Instagram

 

A post shared by Emre Gökdemir İnşaat Ankara Keçiörengücü (@ankara_kg)

یانە تورکییەکە وێنەی ناسیمێنتۆی لەنێو بارەگای یانەکە بڵاوکردەوە و بەمەش چیرۆکی گواستنەوەی بۆ دهۆک بەتەواوی لەباربرد.

تۆڕی وەرزشی یاریگا هەوڵی وەرگرتنی هەڵوێستی یانەی دهۆکیدا، بەڵام هیچ بەرپرسێکی یانەکە بەردەست نەبوو و تاوەکو ئێستاش هیچ روونکردنەوەیەک بڵاونەکراوەتەوە.