تەواو؛ ئەستێرەیەک مانچێستەر سیتی جێهێشت
یاریگا –
ئێڤەرتن گرێبەستی جاک گریلیش، ئەستێرەی مانچێستەر سیتی یەکلاییکردەوە.
رۆژنامەنووسی ئیتاڵی فابریزۆ رۆمانۆ بڵاویکردووەتەوە، ئێڤەرتن بۆ گواستنەوەی جاک گریلیش لەگەڵ مانچێستەر سیتی گەیشتووەتە رێککەوتنی کۆتایی، هەموو شتێک کۆتایی هاتووە و گریلیش بووەتە یاریزانی نوێی شین پۆشەکانی لیڤەرپوول.
گرێبەستەکەی جاک گریلیش لەگەڵ ئێڤەرتن بەشێوەی خواستن دەبێت بۆ ماوەی وەرزێک و لە 24 کاتژمێری داهاتوو پشکنینی پزیشکی بۆ دەکرێت.
🚨💣 EXCL: Jack Grealish to Everton, here we go! Loan deal agreed with Man City and medical booked later today.
Grealish said yes to #EFC project and he’s now set to complete his move in next 24 hours.
New addition for David Moyes. 🔵🃏 pic.twitter.com/iP4e0rh7yb
— Fabrizio Romano (@FabrizioRomano) August 11, 2025
تۆفیز تاوەکوو ئێستا لە مێرکاتۆی هاوینە گرێبەستی لەگەڵ پێنج یاریزانی نوێ واژۆ کردووە، دوایین یاریزانیش دیوسبێری هۆڵی یاریزانی چێڵسی بوو، کە ناوەڕاستکارە 26 ساڵانییەکە بەبڕی 28 ملیۆن یۆرۆ پەیوەندی بە یانەکە کرد.
دەیڤد مۆیس چاوی لەوەیە بەر لە داخرانی دەرگای مێرکاتۆی هاوینە پێکهاتەکەی تۆکمەتر بکات و گریلیش سودێکی زۆری بۆ پێکهاتەکەی دەبێت.
گریلیش لە هاوینی 2021 بەبڕی 117.50 ملیۆن یۆرۆ لە ئاستۆن ڤێلاوە پەیوەندی بە مانچێستەر سیتی کرد و تاوەکو هاوینی 2027 گرێبەستی لەگەڵ یانەکە هەیە، بەهای ئێستای لە بۆڕسەی یاریزانان 28 ملیۆن یۆرۆیە.
جاکی بەدرێسی مانچێستەر سیتی لە سەرجەم پاڵەوانێتییەکان بەشداریی 157 یاریی کردووە، 17 گۆڵی کردووە و 23 گۆڵی دروستکردووە.
