تۆماس پارتی یاریزانی نوێی ڤیاریاڵە
یانەی ڤیاریاڵ سەرجەم کارەکانی گواستنەوەی تۆماس پارتی بە کۆتا هێنا سەرەڕای فشارەکان بۆ هەڵوەشاندنەوەی رێککەوتنەکە.
پارتی لە کۆتایی وەرزی رابردوو ئارسناڵی جێهێشت و هێندەی نەبرد ئاشکرابوو تۆمەتبارە بە پێنج کەیسی جیاوازی دەستدرێژی سێکسی و سێکسی زۆرە ملە. لەباری سەلماندنی تۆمەتەکان دا، چاوەڕواندەکرێت ناوەڕاستکارە ئەفریقییەکە ساڵانێکی زۆر زیندانی بکرێت.
بەڵام، ئەمە نەبووە رێگر لەوەی ڤیاریاڵی ئیسپانی ئەو یاریزانە بگوازێتەوە ریزەکانیی، ئەوەش وایکرد یانەکەی لالیگا رەخنەباران بکرێت.
بەگوێرەی دەیڤد ئۆرنستینی رۆژنامەنووس، پارتی واژۆی لەسەر گرێبەستەکە کردووە کە بۆ دوو وەرزە و بەمزووانەش بەفەرمی رادەگەیەندرێت.
🚨 Villarreal complete acquisition of Thomas Partey as free agent. 32yo midfielder has signed 2yr deal at #VillarrealCF after departing Arsenal when terms ended. Ghana international’s arrival set to be officially confirmed. W/ @GuillermoRai_ @TheAthleticFC https://t.co/CyS3DAm6Z5
— David Ornstein (@David_Ornstein) August 7, 2025
پارتی لە 2020دا پەیوەندی بە ئارسناڵەوە کرد و پێنج ساڵ لەو یانەیە مایەوە. بەر لەوە تەواوی کاروانی خۆی لەلالیگا بەسەربردوو لەگەڵ ئەتڵەتیکۆ مەدرید. هاوکات یاریزانی هەڵبژاردەی غانایە.
