مانچێستەر سیتی ئامانجی داهاتووی ئاشكراكرد
یاریگا –
مانچێستەر سیتی ئینگلیزی ئامانجی داهاتووی یانەكەی ئاشكرا كرد و هەوڵەكانی بۆ گواستنەوەی تینۆ لیڤرامێنتۆ، بەرگریكاری لاوی ئینگلیزی یانەی نیوكاسڵ یونایتد دەستپێكردووە.
مانچێستەر سیتی لە گواستنەوەكانی هاوینەدا گرێبەستی لەگەڵ تیجانی رێندێرس، رەیان ئایت نوری، رەیان شەرقی و ماركوس بێنتێلی واژۆكرد.
هەروەها هەریەک لە سكۆت كارسن، جومعە با، كێڤن دی برۆین، كایڵ وۆڵكەر، ماكسیمۆ پێرۆنی و یان كوتۆ ریزەكانی یانەكەیان جێهێشت.
مانچێستەر سیتی دەیەوێت لە مێركاتۆی هاوینەدا یاریزانێک بۆ باڵی راستی بەرگری بگوازێتەوە.
TBR Football understands that Manchester City have made a fresh move for Tino Livramento, but Newcastle remain intent on not allowing their England defensive star to leave this summer.
Indeed Newcastle are ready to offer him a bumper new contract.https://t.co/zZ6x7d484D
— Graeme Bailey (@GraemeBailey) July 25, 2025
بە گوێرەی زانیارییەكانی TBR Football، مانچێستەر سیتی هەوڵەكانی بۆ گواستنەوەی تینۆ لیڤرامێنتۆ دەستپێكردووە و ئامادەیە 50 ملیۆن پاوەند بۆ گواستنەوەی خەرجبكات.
بەڵام نیوكاسڵ یونایتد ئامادەنییە دەستبەرداری بەرگریكارە لاوەكەی ببێت و ئامادەیە گرێبەستەكەی نوێ بكاتەوە و مووچەكەشی زیاد بكات.
لە ئەگەری رازینەكردنی لیڤرامێنتۆ ئەوا مانچێستەر سیتی هەوڵەكانی بۆ گواستنەوەی ئاندرێیا كامبیاسۆ و نیكۆلۆ ساڤۆنا دەستپێدەكات.
