فڕۆکەکەی مارکوس راشفۆرد بەرەو بارسێلۆنا بەڕێدەکەوێت
یاریگا –
مارکوس راشفۆرد، ئەستێرەی ئینگلیزی پاش کەمتر لە دوو کاتژمێری دیکە دەگاتە بارسێلۆنا.
رۆژنامەی موندۆ دێپۆرتیڤۆ بڵاویکردووەتەوە، مارکوس راشفۆرد بە فڕۆکەیەکی تایبەت بەرەو بارسێلۆنا گەشتی کردووە و ئەمشەو دەگاتە ئیسپانیا.
بەگوێرەی زانیارییەکانی رۆژنامە ئیسپانییەکە ئەمشەو لەنێوان کاتژمێر 22:00 تاوەکو 22:30 فڕۆکەکەی مارکوس راشفۆرد لە بارسێلۆنا دەنیشێتەوە.
بارسێلۆنا بۆ گواستنەوەی هێرشبەرە ئینگلیزەکە لەگەڵ مانچێستەر یونایتد رێککەوتنی کۆتایی کردووە و راشفۆرد بۆ ماوەی وەرزێک بەشێوەی خواستن پەیوەندی بە یانە کاتالوونیەکە دەکات.
مووچەی ساڵێکی راشفۆرد لەگەڵ بارسێلۆنا 14 ملیۆن یۆرۆ دەبێت و لەپێناو یانە ئیسپانییەکە لە %15ـی مووچەکەی کەمکردووەتەوە.
بارسێلۆنا دەتوانێت لە هاوینی 2026 بەبڕی 30 ملیۆن یۆرۆ گرێبەستەکەی راشفۆرد لە خواستنەوە بکات بە هەمیشەیی.
🚨 Marcus Rashford's loan move to FC Barcelona:
🔸 Barça will pay full €14M gross salary
🔸 Rashford will take a 15% pay cut
🔸 €30M buy option for June 2026(Source: @FabrizioRomano) pic.twitter.com/4jrqxWgLNf
— Transfer News Live (@DeadlineDayLive) July 20, 2025
