تەواو؛ ئارسیناڵ گرێبەستێکی دیکە یەکلایی کردەوە
یاریگا –
یانەی ئارسیناڵ بەردەوامە لە ئەنجامدانی گرێبەستە یەک لەدوای یەکەکانی و ئەمجارەش رێککەوتنێکی دیکەی یەکلایی کردەوە.
ئارسیناڵ لە مێركاتۆی هاوینەدا تاوەكو ئێستا بەفەرمی كێپا ئاریزابالاگا، مارتن زوبیمێندی و كریستیان نۆرگاردی گواستووەتەوە ریزەكانی، بۆ گواستنەوەی ڤیکتۆر یۆکێرێش و نۆنی مادیوکێ لەگەڵ سپۆرتینگ و چێڵسیش گەیشتووەتە رێککەوتن.
بەگوێرەی زانیارییەکانی فابریزۆ رۆمانۆ، یانە لەندەنییەکە لەگەڵ ڤالێنسیا هەموو بەڵگەنامەکانی تایبەت بە گواستنەوەی کریستیان مۆسکێرا ئاڵوگۆڕ کردووە.
وەک ئەو رۆژنامەنووسە ئاشکرایکردووە، تێچووی گواستنەوەی بەرگریکارەکە 15 ملیۆن پاوەند و گۆڕانکارییەکانە و سەرجەم بڕەکە دەگاتە کەمتر لە 20 ملیۆن. هاوکات بەبێ ئەوەی بەتەواوەتی دیاریبکات، گرێبەستەکەشی بە ماوە درێژ وەسفکردووە.
رۆمانۆ زانیوشیەتی کە چوارشەممەی ئەم هەفتەیە دیاریکراوە بۆ یاریزانە ئیسپانییەکە تا پشکنینە پزیشکیەکانی لەگەڵ گەنەرز بۆ ئەنجام بدرێت.
🚨🔴⚪️ Arsenal and Valencia have also exchanged documents for Cristhian Mosquera deal.
€15m plus add-ons, total fee under €20m and long term deal for Mosquera.
Medical booked on Wednesday. pic.twitter.com/BPZFfptZMO
— Fabrizio Romano (@FabrizioRomano) July 15, 2025
مۆسکێرای 20 ساڵان لە دڵی بەرگری یاریی دەکات، وەرزی رابردوو لە سەرجەم پاڵەوانێتییەکان بەشداریی 41 یاریی کرد، لەکۆی 38 یاریی لەلیگا بەشداریی 37 یارییانی کرد.
