یاریگا –
چابی ئاڵۆنسۆ بەنیازە شوێنی یاریکردنی ئێندریک بگۆڕێت و وەرزی داهاتوو لە باڵی راست یاریی پێبکات.
رخۆرخێ پیکۆن رۆژنامەنووسی ئیسپانی ئاشکرایکردووە، چابی ئاڵۆنسۆ راهێنەری ریال مەدرید بەنیازە وەرزی داهاتوو لە باڵی راست یاریی بە ئێندریک بکات، لەکاتێکدا ئەو هێرشبەرە 18 ساڵانە وەکو هێرشبەری سەرەڕم یاریی دەکات و لە پالمێراسی بەڕازیلیش هەر لەو شوێنە یاریی کردووە.
🚨 Xabi Alonso baraja que Endrick también juegue como extremo por la derecha esta temporada. pic.twitter.com/ygVoCrS6Hb
— Picón (@JorgeCPicon) July 7, 2025
ئەگەر ئاڵۆنسۆ ئەم بڕیارە بدات، دیارە لە مانەوەی رۆدریگۆ بێ هیوا بووە، کە ئەو هێرشبەرە بەڕازیلییەش لە باڵی راست یاریی دەکات، بەڵام دوای درەوشانەوەی گۆنزالۆ گارسیا، پێگەی ئێندریک لە سەرەڕم لاواز بووە.
ئێندریک لەوەتەی لە ریال مەدرید یاریی دەکات، لە 37 یاری 7 گۆڵ و ئەسیستێکی کردووە، لەگەڵ هەڵبژاردەی بەڕازیلیش لە 14 یاری 3 گۆڵی بۆ سێلیساو کردووە.
