چابی ئاڵۆنسۆ: ڤاڵڤێردی ژیان ئاسانتر دەكات
یاریگا –
چابی ئاڵۆنسۆ، راهێنەری ئیسپانی یانەی ریال مەدرید ستایشی ئاستی یاریزانەكانی دەكات، دوای گەیشتنیان بە قۆناخی چارەكی كۆتایی جامی جیهانی یانەكان.
شەوی رابردوو ریال مەدرید و یوڤێنتوس لە قۆناخی شازدەی مۆندیالی یانەكان رووبەروو بوونەوە و یارییەكەش بە تاكە گۆڵێكی گۆنزالۆ گارسیا لەبەرژەوەندی یانە شاهانەكە كۆتاییهات و خۆیان گەیاندە قۆناخی داهاتووی پاڵەوانیەتیەكە.
🏁 @RealMadrid 1-0 @JuventusFC
⚽ 54′ @gonzalo7garcia_ pic.twitter.com/PVa2drSG1O— Real Madrid C.F. (@realmadrid) July 1, 2025
لە دوای یارییەكە چابی ئاڵۆنسۆ گوتی:
دڵخۆشم بۆ هەمووان، یارییەكی باشیان كرد و توانیان بردنەوە بەدەستبهێنن، بەرامبەر یانەیەكی نایابی وەک یوڤێنتوس یاریمانكرد.
ڤینیسیۆس دەتوانێت لای راست و چەپی یاریگادا یاریی بكات، ئەوە پەیوەستە بە یارییەكەوە، بە هەمان شێوە گۆنزالۆ گارسیاش، دڵخۆشم بۆ ئەوەی سوودی لەو خولەكانە وەرگرت كە پێیدرا و ئاستێكی بەرزی پێشكەشكرد.
ژیان لەگەڵ ڤاڵڤێردی ئاسانترە، هەموو شتێک بە سادەیی و بە تەواوی دەكات، زۆر دڵخۆشم كە یاریزانێكی تیمەكەمە.
ریال مەدرید لە قۆناخی چارەكی كۆتایی رووبەڕووی بۆڕووسیا دۆرتموند دەبێتەوە.
