پریڤیوی یاریی ریال مەدرید V یوڤێنتوس؛ دوا هەواڵ و پێكهاتەی پێشبینیكراو

یاریگا –

لە كۆتا رۆژی یارییەكانی قۆناخی شازدەی جامی جیهانی یانەكان ریال مەدرید و یوڤێنتوس رووبەرووی یەک دەبنەوە.

وا بڕیارە ئەمڕۆ سێشەممە كاتژمێر 22:00 بە كاتی كوردستان ریال مەدرید و یوڤێنتوس لە یاریگای هارد رۆک رووبەرووی یەک ببنەوە لە میانی یارییەكانی گەڕی شازدەی جامی جیهانی یانەكان.

پڕۆفایلی یاری

ریال مەدرید لە قۆناخی كۆمەڵەكان لە كۆی سێ یاریی دوو یاریی بردەوە و یارییەک یەكسان بوو بە كۆكردنەوەی 7 خاڵ بە پێشەنگی كۆمەڵەی هەشتەم گەیشتە قۆناخی شازدە.

لە بەرامبەردا یوڤێنتوس لە قۆناخی كۆمەڵەكان لە كۆی سێ یاریی دوو یاریی بردەوە و یارییەكیش تووشی شكست هات و بە كۆكردنەوەی شەش خاڵ و بە دووەمی كۆمەڵەی حەوتەم خۆی گەیاندە قۆناخی شازدە.

ریال مەدرید دەیەوێت بە راهێنەرایەتیكردنی چابی ئاڵۆنسۆ راهێنەری نوێی یانەكە و یاریزانە نوێیەكانی ترێنت ئالێكساندەر ئارنۆڵد و دین هاوسن ببێتە یەكەم یانە كە بە شێوازە نوێیەكەی مۆندیالی یانەكان بەدەستبهێنێت.

ریال مەدرید پێشتر 21 جار رووبەڕووی یوڤێنتوس بووەتەوە لە 11 یاریی براوە بووە و 8 جار یوڤی یارییەكەی بردووەتەوە و لە دوو یارییش یەكسان بوون.

هەواڵی پێكانی یاریزانەكان

ریال مەدرید بە بێ ئێندریک، كاماڤینگا، فێرلاند مێندی، ئیدێر میلیتاو، دانی كارڤاخال و دەیڤد ئالابا رووبەرووی یوڤێنتوس دەبێتەوە.

یوڤێنتوسیش بە بێ خوان كابال و نیكۆلۆ بەرامبەر مەدرید یاریی دەكات.

پێکهاتەی پێشبینیکراوی ریال مەدرید

كۆرتوا

گارسیا، هاوسن، رودیگەر، ترێنت

ڤاڵڤێردی، چوامینی، جود بێڵینگهام

ڤینیسیۆس ، گۆنزالۆ گارسیا، ئاردا گولەر

پێکهاتەی پێشبینیکراوی یوڤێنتوس

گریگۆریۆ

كۆستا، كالولو، كێڵی، ساڤۆنا

تورام، لۆكاتێلی

كامبیاسۆ، كۆنسێساو، یڵدز

كۆلۆ موانی