پریڤیوی یاریی ریال مەدرید V هیلال؛ دوا هەواڵ و پێكهاتەی پێشبینیكراو

یاریگا –

ئەمڕۆ جامی جیهانی یانەكان بۆ ریال مەدرید دەستپێدەكات و لە یەكەم یاریی خۆیدا رووبەرووی هیلال دەبێتەوە.

وا بڕیارە ئەمڕۆ چوارشەممە كاتژمێر 22:00 بە كاتی كوردستان ریال مەدریدی ئیسپانی و هیلالی سعوودی لە یاریگای هارد رۆک رووبەرووی یەک ببنەوە، لە میانی یارییەكانی گەڕی یەكەمی مۆندیالی یانەكان.

پڕۆفایلی یاری

ریال مەدرید پاڵەوانی وەرزی رابردووی سوپەری ئەوروپا و هیلالی پاڵەوانی خولی یانە پاڵەوانەكانی ئاسیا رووبەڕووی یەک دەبنەوە.

ریال مەدرید دەیەوێت بە راهێنەرایەتیكردنی چابی ئاڵۆنسۆ راهێنەری نوێی یانەكە و یاریزانە نوێیەكانی ترێنت ئالێكساندەر ئارنۆڵد و دین هاوسن ببێتە یەكەم یانە كە بە شێوازە نوێیەكەی مۆندیالی یانەكان بەدەستبهێنێت.

لەبەرامبەردا هیلال بە راهێنەرایەتیكردنی سیمۆنی ئینزاگی و راهێنەری پێشووی ئینتەر میلان و بە كۆمەڵێك ئەستێرەوە دەیانەوێت رووبەڕووی ریال مەدرید ببنەوە.

ریال مەدرید و هیلال پێشتر تەنیا یەک جار رووبەڕووی یەک بوونەتەوە لە یاریی كۆتایی مۆندیالی یانەكانی ساڵی 2023 بە وەشانە كۆنەكەی رووبەروو بوونەوە و ریال مەدرید بە ئەنجامی پێنج گۆڵ بەرامبەر بە سێ گۆڵ لە هیلالی بردەوە.

هەواڵی پێكانی یاریزانەكان

ریال مەدرید بۆ ئەو یارییە لە تواناكانی ئێندریک ، مێندی، میلیتاو و ئالابا بێبەش دەبێت و گومان لە بەشداریكردنی كیلیان ئێمباپێ ، رودیگەر كاماڤینگا و كارڤاخال دەكرێت.

هیلال بە بێ ئەلێكساندەر میترۆڤیچ ، كایۆ سیزار و یاسر شەهرانی رووبەرووی ریال مەدرید دەبێتەوە.

پێکهاتەی پێشبینیکراوی ریال مەدرید

كۆرتوا

گارسیا، هاوسن، ئاسینسیۆ، ترێنت

ڤاڵڤێردی، چوامینی، جود بێڵینگهام

ڤینیسیوس ، رۆدریگۆ، ئاردا گولەر

پێکهاتەی پێشبینیکراوی هیلال

یاسین بونۆ

خەلیفە دۆسەری، كۆلیبالی، بلەیهی

كانسێلۆ، نێڤێس، ساڤیچ، لۆدی

ماڵكۆم، لیۆناردۆ، دۆسەری