فەرمی: بەڕێوەبەری جێبەجێکاری نەسڕ لە کارەکەی دوورخرایەوە
یاریگا –
نەسڕی سعودی دوای شکستەکانی لەم وەرزە تووشی بوو، ئێستا کاتی ئەوە هاتووە گۆڕانکاری لە بەشە جیاوازەکانی یانەکەیدا بکات.
ماجد جومعان سرور، بەڕیوبەری جیبەجێکاری نەسڕ ئاشکرای کردووە کرد کە بە شێوەیەکی چاوەڕواننەکراو لە کارەکەی دوورخراوەتەوە. ناوبراو لە پەیامێکدا بۆ هاندەرانی نەسڕ نووسی:
هاندەرانی خۆشەویستی نەسڕ، خۆشەویستی و دڵسۆزی و راستگۆیی ئێوە لەلام زۆر بەنرخە، ئەمڕۆ بە شێوەیەکی ناپڕۆفیشناڵ و نەگونجاو و قبوڵنەکراو ئەرکەکەم لە یانەکە کۆتایی پێهات.
جمهور النصر الحبيب ثمن المحبة والإخلاص والصدق والصراحة معكم كان كبيرا و مكلفا.
اليوم تم إنهاء خدماتي بطريقة أراها غير مهنية وغير لائقة و غير مقبولة لذلك ستبدأ رحلة تقاضي بيني وبين الإدارة التي تدير نادينا و من له حق سيناله.( لم يقدم اي خطة وبعدها يقولون اعتمدنا كل اقتراحاته…
— Majed Jaman Alsorour ماجد الجمعان (@MajedjamaanM) June 16, 2025
لە درێژەی قسەکانیدا بەڵێن دەدات کە بۆ مافەکانی خۆی لەگەڵ یانەکەدا دەجەنگێت و دەڵێت:
پرۆسەیەکی یاسایی لەنێوان من و ئیدارەی یانەکەدا دەست پێدەکات و راستیەکان ئاشکرا دەبن.
شایەنی باسە، نەسر نەیتوانی بۆ خولی یانە پاڵەوانەکانی ئاسیا سەربکەوێت، کە پێدەچێت ببێتە هۆکارێک بۆ دوورخستنەوەی ستیفانۆ پیۆلی راهێنەری یانەکە. هەروەها پێشبینی دەکرێت گۆڕانکاری گەورە لە پێکهاتەکەدا بکرێت، بەڵام پێدەچێت کریستیانۆ رۆناڵدۆ لە تیپەکەدا بمێنێتەوە.
