یاریگا –
یانەی مانچێستەر سیتی ئینگلیزی بە فەرمی چووه نێو دانوستانەکان بۆ گواستنەوەی ڕایان شه‌رقی ئەستێرەی لاوی فەرەنسی و یانەی ئۆڵۆمپیک لیۆن.
ئەستێرە فەرەنسییەکە لە گرێبەستەکەیدا بڕگەی ئازادکردنی هەیە کە نزیکەی ٢٥ ملیۆن یۆرۆیە.
یانەکەی ئۆڵۆمپیک لیۆن بە فەرمی ڕایانگەیاند کە یاریزانەکە لە ماوەی گواستنەوەی هاوینەدا ریزه‌ی لیۆن جێدەهێڵێت، ئەمەش بووە هۆی ئەوەی ژمارەیەک یانەی گەوره‌ی ئەوروپا گرنگی پێبدەن، لەوانە بۆروسیا دۆرتمۆند و میلان و لیڤەرپوول و مانچێسته‌ر سیتیش هاته نێو ئه‌و یانانه‌ی گرنگی به گواستنه‌وه‌ی یاریزانه‌كه ده‌ده‌ن.
پێگه‌ی ته‌له‌گرافی به‌ریتانی ئاشكرایكردووه یانه‌ی مانچێسته‌ر سیتی ئۆفه‌ره‌كه‌ی مانچێسته‌ر سیتی له‌سه‌رجه‌م ئۆفه‌ركانی دیكه زیاتره و یاریزانه‌كه‌ش ئاره‌زوو ده‌كات له مانچێسته‌ر سیتی یاریی بكات، بەتایبەتی بە لەبەرچاوگرتنی ئەو گۆڕانکارییە بەرچاوانەی کە پێشبینی دەکرێت تیپەکە دوای وەرزێکی نائومێدکەر بەسەریدا بێت، ئەمەش دەرفەتی یاریکردن لەگەڵ سیتی زیاتر ده‌كات.
🚨🇫🇷 Manchester City are looking at signing Rayan Cherki (21) from Lyon! 🔵✨
Clubs widely believe that Cherki has a release clause in his contract of around £20-25 million, reports @mcgrathmike/@TeleFootball. pic.twitter.com/qyCGnic2K8
— EuroFoot (@eurofootcom) May 27, 2025
گرێبەستەکەی ڕایان شه‌رقی ڕووبەڕووی ڕکابەرییەکی توندی یانەکانی ئەوروپا دەبێتەوە، هەروەها تیپەکانی وەک میلان و بۆروسیا دۆرتمۆند و لیڤەرپوول هەوڵی ڕازیکردنی یاریزانەکە دەدەن، ئەمەش وایکردووە گەیشتن بە گرێبەستەکە لەماوەیەکی نزیکدا قورستر بێت.
