یاریگا –
ئەمڕۆ كۆتا هەفتەی یارییەكانی پرێمەرلیگی وەرزی 2024/25 بەڕێوە دەچێت.
وا بڕیارە ئەمڕۆ یەكشەممە كاتژمێر 18:00 بە كاتی كوردستان فولهام لە یاریگای كراڤن كوتەیجی تایبەت بە خۆی میوانداری مانچێستەر سیتی بكات، لە میانی یارییەكانی گەڕی 38ی پرێمەرلیگ.
پڕۆفایلی یاری
مانچێستەر سیتی بە بردنەوە و یەكسانبوونی لەگەڵ فولهام راستەوخۆ بلیتێكی یارییەكانی چامپیۆنزلیگی وەرزی داهاتوو بەدەستدەهێنێت.
تیمەكەی پێپ گواردیۆلا هەفتەی رابردوو لە یاریی كۆتایی جامی یەكێتیی ئینگلتەرا رووبەرووی كریستاڵ پاڵاس بوونەوە و یارییەكەیان بە گۆڵێكی بێ وەڵام دۆڕاند و نازناوەكەیان لەدەستدا.
لەم وەزەدا پێنج یانەی پرێمەرلیگ راستەوخۆ دەگەنە چامپیۆنزلیگی وەرزی داهاتوو، لیڤەرپوول و ئارسیناڵ دوو كورسیان مسۆگەر كردووە و هەریەک لە یانەكانی نۆتینگهام، نیوكاسڵ یونایتد، مانچێستەر سیتی، چێڵسی و ئاستۆن ڤیلا هەوڵی بەدەستهێنانی سێ كورسییەكەی دیكە دەدەن.
لەم وەرزەی پرێمەرلیگدا مانچێستەر سیتی لە كۆی 37 یاریی لە 20 یاریی براوە بووە، 8 یاریی یەكسان بووە و نۆ یارییش دۆڕاوە.
بە كۆكردنەوەی 68 خاڵ لە ریزبەندی سێیەمی پرێمەرلیگ دێت.
فولهام لە كۆی 37 یاریی لە 15 یاریی براوە بووە نۆ یاریی یەكسان بووە و سیازدە یارییش دۆڕاوە.
بە كۆكردنەوەی 54 خاڵ لە ریزبەندی دەیەمی پرێمەرلیگ دێن.
هەواڵی پێكانی یاریزانەكان
فولهام بە بێ مونێز، كاستانی، نێڵسن و هاریسن رید رووبەرووی سیتیزن دەبێتەوە.
مانچێستەر سیتی بە بێ ماتیۆ كۆڤاسیچ و جۆن ستۆنز بەرامبەر فولهام یاریی دەكات.
پێکهاتەی پێشبینیکراوی فولهام
لینۆ
تێتی، ئاندێرسن، باسێی ،رۆبنسن
بێرگ، لوكیچ
ویڵسن، پێرێرا ، ئایۆبی
مونیز
پێکهاتەی پێشبینیکراوی مانچێستەر سیتی
ئێدەرسن
نونێس، دیاس، ئاكانجی، ڤاردیۆڵ
بێرناردۆ، گوندۆگان، نیكۆ
دی برۆین، مەرمووش
هالاند
