بۆڕووسیا دۆرتموند لە گواستنەوەی براکەی بێڵینگهام نزیکدەبێتەوە
بێڵینگهامێکی دیکە دەبێتە زەردپۆش..
یاریگا –
بۆڕووسیا دۆرتموند هەنگاوێکی گرنگ لە گواستنەوەی جۆب بێڵینگهام، ئەستێرەی لاوی سەندەرلاند نزیکبووەتەوە.
جۆب بێڵینگهام برای بچوکی جود بێڵینگهامی ئەستێرەی ریال مەدریدە و یاریی بۆ سەندەرلاندی ئینگلیزی دەکات. رێچکەی برا گەورەکەی گرتووە و بەهۆی ئاستە بەرزەکەی سەرنجی زۆرێک لە یانە گەورەکانی ئەوروپای بەلای خۆیدا راکێشاوە.
رۆژنامەنووسی تۆڕی سکای ئەڵمانیا فلۆریان پلێتنبێرگ بڵاویکردووەتەوە، لە کێبڕکێی گواستنەوەی جۆب، دۆرتموند پێش ئێنتراخت فڕانکفورت کەوتووە و لە گواستنەوەی یاریزانەکە نزیکبووەتەوە.
هەر بەگوێرەی زانیارییەکانی فلۆریان، دۆرتموند هەوڵەکانی چڕکردووەتەوە بۆ ئەوەی بەر لە دەستپێکی جامی جیهانی یانەکان گرێبەستەکەی بێڵینگهام یەکلایی بکاتەوە و لەم هەفتەیە گفتوگۆی زیاتر لەسەر گرێبەستەکە دەکەن.
🚨⚫️🟡 Understand Borussia Dortmund are ahead of Eintracht Frankfurt in the race to sign Jobe #Bellingham!#BVB want to bring Bellingham in as early as the Club World Cup. He is their top priority and target number one for this position.
Further talks are scheduled for this… pic.twitter.com/lgMSJhsjvT
— Florian Plettenberg (@Plettigoal) May 20, 2025
جۆب، متمانەی راهێنەری هەڵبژاردەی ئینگڵتەڕای بەدەستهێناوە و لە پێکهاتەی هەڵبژاردەی ژێر 21 ساڵانی وڵاتەکەی جێگەی خۆی کردووەتەوە.
جۆب بێڵینگهام، پاش پێشکەشکردنی ئاستێکی بەرز لەم وەرزەی چامپیۆنشیپ، بەفەرمی خەڵاتی باشترین یاریزانی لاوی خولەکەی بەدەستهێنا.
لەم وەرزە بە درێسی سەندەرلاند بەشداریی 39 یاریی کردووە، چوار گۆڵی بۆ یانەکەی کردووە و سێ گۆڵیشی دروستکردووە.
ناوەڕاستکارە 19 ساڵانییەکە هاوینی 2023 بێرمینگهامی جێهێشت و بەبڕی 1.75 ملیۆن یۆرۆ پەیوەندی بە سەندەرلاند کرد.
