ئێریک دایەر کێشەیەکی گەورە بۆ بارسێلۆنا دروست دەکات

یاریگا –

ئێریک دایەر لە هاوینی داهاتوو بایرن میونشن جێدەهێڵێت و یانەکەی لە بڕیارەکەی ئاگادارکردووەتەوە.

رۆژنامەنووسی رۆژنامەی لێکیپی فەڕەنسی لۆیک تانزی بڵاویکردووەتەوە، ئێریک دایەر بڕیاریداوە لە هاوینی داهاتوو بایرن میونشنی ئەڵمانی جێبهێڵێت و پەیوندی بە یانەی مۆناکۆی فەڕەنسی دەکات.

بەگوێرەی زانیارییەکانی رۆژنامەنووسە فەڕەنسییەکە مۆناکۆ ئۆفەرێکی بۆ ماوەی دوو وەرز لەگەڵ بژاردەی نوێکردنەوەی گرێبەستەکەی بۆ وەرزی سێیەمیش پێشکەش بە دایەر کردووە، ئەوەش لە ئۆفەرەکەی بایرن میونشن باشتر بووە و بۆیە یاریزانەکە رازیبووە پەیوەندی بە مۆناکۆ بکات.

Avec l’arrivée d’Eric Dier, Monaco signe le premier gros coup du mercato d’été https://t.co/oCJR5TgmNU

— Loïc Tanzi (@Tanziloic) April 29, 2025

هاوکات رۆژنامەنووسی تۆڕی سکای ئەڵمانیا، فلۆریان پلەیتنبێرگ هەواڵەکەی پشتڕاستکردووەتەوە و ئاشکرایکردووە بایرن میونشن لە ئێستاوە بەدوای شوێنگرەوەی دایەر دەگەڕێت و جۆناسان تای بەرگریکاری بایەر لیڤەرکوزنیش بژاردەی سەرەکی باڤارییەکانە.

جۆناسان لە هاوین گرێبەستەکەی لیڤەکوزن بەسەردەچێت و لەگەڵ بارسێلۆنا رێککەوتنی پێشوەختەی کردووە بۆ ئەوەی بێبەرامبەر پەیوەندییان پێوەبکات، بەڵام رۆیشتنی دایەر کێشەی بۆ کاتالوونییەکان دروستکردوو و بایرن دەیەوێت جۆناسان لە چنگی بارسێلۆنا دەربهێنێت.

لەلایەکی دیکە رۆژنامەی ئاسی ئسیپانی بڵاویکردووەتەوە، لە ئەگەری پەیوەندیکردنی چابی ئاڵۆنسۆ بە ریال مەدرید، جۆناسان تا یەکێک دەبێت لەو یاریزانانی ئاڵۆنسۆ داوای گواستنەوەی دەکات، لە لیڤەرکوزنیش لەژێر سەرپەرشتی خۆی یاریی دەکات.

رۆژنامە ئیسپانییەکە ئاماژەی بەوەش کردووە، بەهۆی ئەوەی ئێستا بارسێلۆنا کەمتر پێویستی بە بەرگریکارە و کەیسی دانی ئۆلمۆش بەتەواوی چارەسەرنەکراوە، ئەگەری هەیە گواستنەوەی بەرگریکارە ئەڵمانییەکە بۆ بارسا شکستبهێنێت.

🚨🔴⚪️ Eric #Dier will leave FC Bayern and join AS Monaco, as first reported by @Tanziloic and confirmed. Talks over a new contract with FC Bayern have failed, mainly because Bayern could not offer him the contract length that Monaco will: until 2027, with an option for one more… pic.twitter.com/h5E47WdFMC

— Florian Plettenberg (@Plettigoal) April 30, 2025