یاریگا –
یانەی ریال مەدریدی ئیسپانی دەیەوێت گرێبەستی تیبۆ كۆرتوا گۆڵپارێزی بەلجیكی یانەكەی نوێ بكاتەوە.
كۆرتوا لە ساڵی 2018 لە ریزەكانی چێڵسیەوە بە بەهای 35 ملیۆن یۆرۆ پەیوەندی بە ریال مەدریدەوە كرد و گرێبەستەكەی لە ساڵی 2026 بەسەردەچێت.
Courtois renovará dos años: el Madrid se salta con él su norma con los mayores de 30 https://t.co/8HimBBIXH4
— Relevo (@relevo) April 29, 2025
بە گوێرەی زانیارییەكانی تۆڕی رێلیڤۆ، تیبۆ كۆرتوا گرێبەستەكەی لەگەڵ ریال مەدرید بۆ دوو وەرزی دیكە نوێ دەكاتەوە و تاوەكو 2028 لە ریال مەدرید بەردەوام دەبێت.
ئاماژە بەوەشكراوە، ریال مەدرید و كۆرتوا لە مێژە گفتوگۆ لەسەر نوێكردنەوەی گرێبەستەكەی دەكەن و كۆتاییان بە زۆر شت هێناوە و لەسەر مەرجەكان رێككەوتوون. یانە شاهانەكە پێی وایە تیبۆ كۆرتوا باشترین گۆڵپارێزە.
لەم وەرزەدا كۆرتوا بەشداری لە 43 یاریی كردووە، 14 یاریی تۆڕی گۆڵەكەی بە خاوێنی هێشتووەتەوە و 48 گۆڵیشی لێكراوە.
