یاریگا –
ئیتان ئێمباپێ، برای کیلیان ئێمباپێ بەهۆی پێکانێکی سەختەوە بە گریانەوە یاریگای بەجێهێشت.
ئیتان ئێمباپێ، برا بچووکەکەی کیلیان ئێمباپێ لە یاریی ئانجیێ بەرامبەر لیل لە لیگ وەن، لە گێمی دووەمدا و لە خولەکی 72 هاتە ناو یاریگا و لە دوای چوار خولەک و لە خولەکی 77 بەهۆی پێکان بە گریانەوە یاریگای بەجێهێشت.
دوای یارییەکە برۆنۆ جینێسیۆی راهێنەری لیل گوتی:
پێکانی ئیتان هەواڵێکی زۆر ناخۆشە. زۆر بەداخەوەم بۆی. زۆر هەوڵیدا تاوەکوو بگەڕێتەوە و ئێستا جارێکی دیکە تووشی پچڕانی ماسولکەی ران بووە. “ئەمە بەڕاستی قورسە.
Get well soon Ethan. Hope it’s nothing serious 💔 It’s been such a tough year for him, heartbreaking to see.
— luna (@LunaMbappe) April 27, 2025
ئیتان کە تەمەنی تەنیا 18 ساڵە، لە یەکەم وەرزیدا لەگەڵ لیل تووشی چەندین پێکان بووە. هاوینی رابردوو دوای جێهێشتنی پاریس سانجێرمان بەشێوەیەکی بێبەرامبەر پەیوەندی بە لیلەوە کرد. ئەو یاریزانە لەم وەرزەدا لە 14 یاریدا،کەمتر لە 300 خولەک یاریی کردووە و تەنیا دووجار لە پێکهاتەی سەرەکیدا بووە.
تا ئێستا بەهۆی پێکانەوە لە 24 یاریدا بەشداری نەکردووە و بە کۆی گشتی 146 رۆژ بەهۆی کێشەی جەستەییەوە ئامادەنەبووە.
