سێ گەورەی ئیتاڵیا ململانێی گواستنەوەی کیێزا دەکەن
یاریگا –
فێدێریکۆ کیێزا دەیەوێت بگەڕێتەوە نیشتمان و گەورەکانی ئیتاڵیاش خۆیان بۆ گواستنەوەی ئامادە دەکەن.
رۆژنامەی کالچیۆ مێرکاتۆ بڵاویکردووەتەوە، فێدێریکۆ کیێزای هێرشبەری ئیتاڵی بەنیازە لیڤەرپوول جێبهێڵێت و دەیەوێت جارێکی دیکە بگەڕێتەوە سێریا ئەی.
🚨 Liverpool forward Federico Chiesa wants to return to Serie A and has interest from Inter, Napoli and Roma.
(Source: Calciomercato) pic.twitter.com/HFoM4Na6md
— Transfer News Live (@DeadlineDayLive) April 23, 2025
هێرشبەرە 27 ساڵانییەکە هاوینی رابردوو یوڤێنتوسی جێهێشت و بەبڕی 12 ملیۆن یۆرۆ پەیوەندی بە لیڤەرپوول کرد، بەڵام بەشداریی تەنیا 12 یاریی رێدزی کردووە، 395′ خولەک یاریی کردووە و 2 گۆڵ و 2 ئەسیستی کردووە.
کیێزا لە کورسی یەدەکی لیڤەرپوول بێزاربووە و بڕیاریداوە بگەڕێتەوە ئیتاڵیا، بەگوێرەی زانیارییەکانی رۆژنامە ئیتاڵییەکە هەرسێ یانەی ئینتەر میلان، ناپۆلی و رۆما ئارەزووی گواستنەوەی یاریزانەکە دەکەن.
کیێزا پێشتر لە سێریا ئەی یاریی بۆ فیۆرێنتینا و یوڤێنتوس کردووە، بەدرێسی هەردوو یانەکە بەشداریی 324 یاریی کردووە، 77 گۆڵی کردووە و 57 گۆڵیشی دروستکردووە.
لەگەڵ خانمە پیرەکە دوو نازناوی جامی ئیتاڵیا و نازناوێکی جامی سوپەری ئیتاڵیای بەدەستهێناوە.
