ناوبژیوانانی ئیسپانیا دژایەتی بڕیارێکی فیفا دەکەن
یاریگا –
ناوبژیوانانی ئیسپانیا رەخنەیان لە فیفا گرت لەبەر ئەوەی بۆ یارییەکانی جامی جیهانی یانەکان پشتگوێیان خستوون.
لە کاتێکدا لالیگا بەردەوامە لە مشتومڕ لەسەر ئاستی ناوبژیوانی و بڕیاری مشتومڕاوی لە هەموو یارییەکدا دەدەن، فیفا گورزێکی دیکەی لە ناوبژیوانی ئیسپانی داوە بە راگەیاندنی لیستی ناوبژیوانان کە لە جامی جیهانی یانەکانی 2025 ئامادە دەبن. پێشبڕکێکە لە ئەمریکا لە 15ی حوزەیران تا 13ی تەمموز بەڕێوەدەچێت.
لە قۆناخی یەکەمی ئەم پاڵەوانێتییەدا کە بە بەشداری 32 تیپ بەڕێوەدەچێت، هیچ ناوبژیوانێک لە ئیسپانیاوە ئامادەنابێت؛ بڕیارێک کە بە تەواوی تێگەیشتنە بە لەبەرچاوگرتنی ئەو وەرزە خراپ و مشتومڕاوییەی کە ناوبژیوانی ئیسپانی ئەزموونی کردووە؛ وەرزێکی پڕ لە رەخنە لە ئاستی ناوبژیوانان.
❌ ¡NINGÚN ÁRBITRO ESPAÑOL de campo en el Mundial de Clubes!
🇳🇴 E. Eskas
🇷🇴 I. Kovacs
🇫🇷 F. Letexier y C. Turpin
🇳🇱 D. Makkelie
🇵🇱 S. Marciniak
🇸🇪 G. Nyberg
🏴 M. Oliver y A. Taylor
🇸🇮 S. Vinčić
🇩🇪 F. Zwayer📺 Solo Del Cerro Grande y Hernández Hernández en el VAR
🎙️ @itu_edu pic.twitter.com/qhkYn32QxR
— Carrusel Deportivo (@carrusel) April 14, 2025
بە گشتی 11 ناوبژیوانی ئەوروپی بۆ ناوبژیوانی سەرەکی هەڵبژێردراون. لیستەکە ئەم دادوەرانە لەخۆدەگرێت:
ئیسپێن سکاس لە نەرویج، ستیفان کۆڤاکس لە رۆمانیا، فرانسوا لێتێکسیەر و کلیمەنت تۆرپین لە فەرەنسا، دانی ماکلی لە هۆڵەندا، شیمان مارسیناک لە پۆڵەندا، گلێن نایبێرگ لە سوید، مایکل ئۆلیڤەر و ئەنتۆنی تایلۆر لە ئینگلتەرا، سلاڤکۆ ڤینچیچ لە سلۆڤینیا و فێلیکس زڤیر لە ئەڵمانیا.
تەنیا نوێنەرانی ئیسپانیا لەم لیستەدا لە ژووری VAR ئامادە دەبن. کارلۆس دیل سێرۆ گراندێ و ئەلیخاندرۆ هێرناندێز وەک یاریدەدەری ناوبژیوانی ڤار دەستنیشانکران. تەنانەت لەنێو ناوبژیوانانی لا هیچ ناوبژیوانێکی ئیسپانی ئامادە نابێت.
یەکێتی ناوبژیوانانی ئیسپانیا لە میدیا جیاجیاکاندا ناڕەزایەتیان دەربڕی بەرامبەر بەم بڕیارە و رایانگەیاند کە بڕیاریان داوە کەمپینێک بۆ دژایەتیکردنی ئەم بڕیارە دەستپێبکەن و داواکاری بۆ فیفا دەنێرن بۆ ئەوەی پێش دەستپێکردنی کێبڕکێ و کۆتایی ئەم وەرزە پێداچوونەوە بە بڕیارەکەیاندا بکەنەوە.
