یاریگا –
فیدراسیۆنی تۆپی پێی عێراق لە بەیاننامەیەكی فەرمیدا خێسوس كاساسی ئیسپانی و راهێنەری هەڵبژاردەكەی لە پۆستەكەی دوورخستەوە.
كاساس لە نۆڤێمبەری ساڵی 2022 پۆستی راهێنەرایەتیكردنی هەڵبژاردەی عێراقی وەرگرت.
لە بەیاننامەكەی فیدراسیۆنی تۆپی پێی عێراقدا هاتووە:
فیدراسیۆنی تۆپی پێی عێراق بەهۆی پێشێلكردنی یاساكان و پابەندبوونەكانی نێو گرێبەستەكە، هەڵوەشاندنەوەی گرێبەستی خێسوس كاساس و یاریدەدەرەكانی رادەگەیەنێت.
ئەو بڕیارە لەسەر بنەمای یاسای 14ی فیفا دەربارەی گواستنەوەی یاریزانان دراوە و فیفاش بەفەرمی لەوە ئاگادار كرایەوە، بەشێوەیەک كە مافە یاساییەكانی فیدراسیۆن لەبەردەم لایەنە پەیوەندیدارەكاندا بپارێزێت.
هەڵبژاردەی عێراق بە كۆكردنەوەی 12 خاڵ لە ریزبەندی سێیەمی پاڵاوتنەكانی جامی جیهانی كیشوەری ئاسیا دێت.
