یاریگا –
بەشێوەیەکی فەرمی کێڤن دی بڕۆین رایگەیاند لە کۆتایی ئەم وەرزە مانچێستەر سیتی جێدەهێڵێت.
ئەستێرە بەلجیکییەکە لە هەژماری فەرمی خۆی پەیامێکی ماڵئاوایی بڵاوکردووەتەوە و بەفەرمی ئاشکرایکردووە لەم هاوینە مانچێستەر سیتی جێدەهێڵێت.
هەمووتان ئاگاداردەکەمەوە ئەمە کۆتا مانگەکانی منە وەک یاریزانی مانچێستەر سیتی، نوسینی ئەم وشانە ئاسان نین، بەڵام وەک یاریزانی تۆپی پێ هەموومان دەزانین ئەم رۆژە هەر دێت. ئەم شارە، یانەکە و خەڵکەکەی هەموو شتێکتان پێبەخشیم، هیچ بژاردەیەکی دیکەم نەبوو جگە لەوەی هەموو توانای خۆم پێشکەش بکەم وە توانیمان هەموو شتێک بەیەکەوە بەدەستبهێنین، ئێستا پێمانخۆشبێت یاخود نا کاتی ماڵئاواییە.. خۆم و خێزانەکەم بۆ هەموو شتێکتان سوپاسگوزارین، مانچێستەر هەمیشە لە دڵی خۆم و منداڵەکانمدا دەبێت، هەمیشە ماڵی ئێمە دەبێت.
سوپاس بۆ شارەکە، یانە، ستاف، هاوڕێکانی تیمەکە، هاوڕێ و خێزانەکەم کە لەم گەشتە 10 ساڵییە لەگەڵم بوون.
هەموو چیرۆکێک کۆتایی دێت، بەڵام بە دڵنیاییەوە ئەمە باشترین بەشی چیرۆکەکەی من بوو. با پێکەوە چێژ لە دوا ساتانە وەربگرین! خۆشەویستی زۆرم بۆتان هەیە.
Dear Manchester. 💙 pic.twitter.com/2EdhVYOLti
— Kevin De Bruyne (@KevinDeBruyne) April 4, 2025
ئەستێرە بەلجیکییەکە لە هاوینی 2015 بەبڕی 76 ملیۆن یۆرۆ لە ڤۆڵفسبورگی ئەڵمانییەوە پەیوەندی بە مانچێستەر سیتی کرد.
بەدرێسی سیتیزنس لە سەرجەم پاڵەوانێتییەکان بەشداری 413 یاریی کردووە، 106 گۆڵی کردووە و 174 گۆڵی دروستکردووە.
نازناوێکی چامپیۆنزلیگ، شەش نازناوی پرێمەرلیگ، نازناوێکی جامی جیهانی یانەکان. نازناوێکی جامی سوپەری ئەوروپا، سێ نازناوی جامی خولی ئینگڵتەڕا، دوو نازناوی جامی یەکێتی ئینگڵتەڕا و سێ نازناوی قەڵغانی ئینگڵتەڕای بەدەستهێناوە.
