فەرمی؛ بایرن میونشن گرێبەستی ئەستێرەیەکی نوێکردەوە
یاریگا –
بەشێوەیەکی فەرمی بایرن میونشن گرێبەستی جۆشوا کیمیچی ئەڵمانی نوێکردەوە.
ماڵپەڕی بایرن میونشن بڵاویکردووەتەوە، بەشێوەیەکی فەرمی لەگەڵ جۆشوا کیمیچی ئەستێرەی یانەکە گەیشتوونەتە رێککەوتن و گرێبەستی یاریزانەکەیان تاوەکو هاوینی 2029 نوێکردووەتەوە.
𝐓𝐢𝐞𝐟 𝐯𝐞𝐫𝐰𝐮𝐫𝐳𝐞𝐥𝐭 𝐢𝐦 𝐕𝐞𝐫𝐞𝐢𝐧. 🔴⚪
✍️ FC Bayern und Joshua Kimmich verlängern bis 𝟐𝟎𝟐𝟗.
🔗 https://t.co/x1wLmzfYas#Kimmich2029 #FCBayern #MiaSanMia pic.twitter.com/8XUQ07rx4c
— FC Bayern München (@FCBayern) March 13, 2025
یاریزانە 30 ساڵانییەکە لە هاوینی داهاتوو گرێبەستەکەی کۆتایی دەهات و پاریس سانجێرمان بۆ گواستنەوەی لەسەرهێڵ بوو، بەڵام دوێنێ کیمیچ لەگەڵ باڤارییەکان گەیشتە رێککەوتنی کۆتایی و بڕیاری مانەوەیدا.
کیمیچ لە هاوینی 2015 بە بڕی 8.50 ملیۆن یۆرۆ، لە شتوتگارتەوە پەیوەندی بە بایرن کرد، بە درێسی باڤارییەکان لە سەرجەم پاڵەوانێتییەکان 429 یاری کردووە، 43 گۆڵی کردووە و 114 گۆڵیشی دروستکردووە.
نازناوێکی چامپیۆنزلیگ، هەشت نازناوی بۆندسلیگا، یەک نازناوی جامی جیهانی یانەکان، یەک نازناوی جامی سوپەری ئەوروپا، سێ نازناوی جامی ئەڵمانیا و شەش نازناوی جامی سوپەری ئەڵمانیای بەدەستهێناوە.
